Æskan - 01.05.1991, Blaðsíða 14

Leilcið og lært
í Laugarnesskóla
Á Iistahátfð æskunnar sýndu
nokkrir nemendur úr 7. bekk
Laugarnesskóla leikritið
Bóndadæturnar en það sömdu
þeir ásamt leikstjóra sínum,
Þórunni Pálsdóttur, upp úr
þjóðsögu í safni Jóns Árnason-
ar. Þeir höfðu verið á leiklistar-
námskeiði í vetur ásamt fleiri
krökkum. Þátttakendum á
námskeiðinu var skipt f tvo
hópa. Hinn hópurinn sýndi
leikrit á vorhátíð skólans.
Þessi þjóðsaga varð fyrir val-
inu af því að hún þótti ævin-
týraleg og margir koma við
sögu, ekki síst konur. Það þótti
kostur af því að í leikhópnum
voru sjö stúlkur en aðeins einn
drengur.
^ -0 ^
Sýningin á stóra sviðinu f
Borgarleikhúsinu gekk vel -
um það get ég dæmt af því að
ég sá hana - en það var f fyrsta
sinn sem leikendurnir stigu á
það svið! Sviðið var ekki laust
fyrir æfingar, ekki einu sinni
aðalæfingu. Hún fór fram í
Laugalækjarskóla.
Eg brá mér í Laugarnesskóla,
smellti mynd af leikurunum,
og fékk þá til að segja mér
hver fór með hvaða hlutverk
og örlítið af sjálfum sér.
Ebba Schram lék Vilhjálm
konungsson og skóara kon-
ungs. Áhugamál hennar eru
sund, knattspyrna og gæludýr.
Hún hefur dálæti á gárum og á
nokkra slíka. Einn hefur hún
átt í fimm ár en hina í fjögur.
Sigurjón Örn Arnarson var í
hlutverki konungs og bónda.
Hann á einn gára en hefur
einnig mætur á hestum og
hundum enda hefur hann ver-
ið tvö sumur í sveit. Hann hef-
ur lært píanóieik í fjögur ár.
Stefanía Stefánsdóttir túlkaði
drottningu og gamlan mann.
Hún hefur leikið á klarinett í
eitt ár, æft tennis í vetur og
ballett í fimm ár. Hún hefur
líka gaman af knattspyrnu,
körfuknattleik og sundi.
Sigríður Sunna Aradóttir var
sögumaður. Hún var ekki f
leiklistarhópnum en var kölluð
til leiks til að vera sögumaður.
Hún hefur æft skíðaíþróttir í
vetur, verið í ballett og dansi
og lært á píanó í fjögur ár.
Guðrún Jónsdóttir lék systur
drottningar og fugl. Hún hefur
gaman af íþróttum og hefur
æft fimleika, djassballett og
dans. Núna æfir hún knatt-
spyrnu og fer gjarna á skíði.
Hildur Imma Jónsdóttir kom
fram sem Sigurður kóngssonur
og skrifari. Hún hefur æft
djassballett, fimleika og dans.
Nú hefur hún mest dálæti á
skíðamennsku og skemmtilegu
fólki - auk íþrótta almennt.
Agnes Helga Maríudóttir var
prins og vegfarandi í leikritinu.
Hún tekur hestamennsku fram
yfir flest annað. Hún á hest og
getur haft hann í húsi ekki ýkja
langt frá heimili sínu í Mos-
fellsbæ. Hún hefur líka áhuga
á ýmsum íþróttagreinum og
æfði djassballett í eitt ár.
M
4 *

u r* íf
Guðrún Linda Guðmunds-
dóttir lék Helgu konungsdóttur
og sendisvein. Hún hefur æft
frjálsar íþróttir, djassballet og
dans og hefur líka yndi af að
vera skíðum.
Bbba, Sigurjón Örn, Stefania, Sigríbur Sunna, Gubrún, Hildur Imma, Agnes Helga, Gubrún Linda.