Æskan - 01.05.1991, Blaðsíða 44

ári eldri en Björn.
Friðrik er á ellefta ári. Hann leik-
ur lífvörð í sýningunni. Hann er
fæddur í Reykjavík en fluttist sex
mánaða til Raufarhafnar. Hann
segist eiga eitt gæludýr, köttinn
Tinnu sem er að verða tveggja ára.
„Já, hún er ágæt. Hún er þrifleg
með sig."
- Leggst hún nokkuð á flakk?
„Stundum. Einu sinni var hún
fjóra daga í burtu. - Nei, ég hef
engar áhyggjur af því. Hún kemur
alltaf aftur."
- Eiga margir krakkar á Raufar-
höfn ketti?
„Þó nokkrir. Flestir kettirnir eru
hér í götunni."
- Hefur þú verið í sveit?
„Já, hjá afa og ömmu. Þar fer ég
oft á hestbak."
Garðar er átta ára. Hann á fimm
systkini. Þau eru öli eidri en hann.
Jón er ellefu ára, tvíburarnir Ægir
og Þór fimmtán ára, Ragnar átján
og Kristín nítján ára.
„Já, við eigum kött. Það er reynd-
ar kettlingur, Aðalheiður heitir
hún. Við fengum hana fyrir fjórum
dögum. Við eigum líka fjóra
hamstra. Þeir eru í búri. - Nei, Að-
alheiður er ekkert að stríða þeim.
Hún er venjulega í öðru herbergi."
- Hefur þú farið út á sjó?
„Já, ég hef farið með pabba á litl-
um báti."
Kötturinn Gosi
Sigursteinn Agnarsson er níu ára.
Á myndinni með honum er falleg-
ur, hvítur köttur ...
„Já, ég á hann. Hann heitir Gosi.
Við fengum Jíka lítinn kettling í
gær en ætlum að skila honum.
Þeir eiga ekki vel saman. Það getur
endað með því að Gosi ráðist á
kettlinginn og meiði hann."
- Áttu fleiri gæludýr?
„Nei, ekki núna. Við áttum stór-
an páfagauk, Ransý. Hún er dáin."
- Hefur þú verið í sveit?
„Ég hef oft farið til afa og ömmu
í Galtarvík, nálægt Akranesi. -
Nei, þar eru engin dýr núna. En
þau áttu mörg dýr."
Fjórir strákar voru á fleka á Kot-
tjörn. Ari Jónsson, Elmar Sveins-
son og tvíburarnir Skafti og Björn
Hansmar. Ari og Elmar smíðuðu
hann en annan fieka smíðuðu þeir
allir saman. Þeir segjast oft leika
sér á fleka á tjörninni og ýta hon-
um áfram með stöngum enda sé
hún grunn.
í leikritinu fóru Elmar, Skafti og
Björn með hlutverk lífvarða en Ari
lélc Hans - úr ævintýrinu um Hans
og Grétu.
Ari er níu ára. Hann er fæddur í
Reykjavík en fluttist eins árs til
Raufarhafnar með foreldrum sín-
um.
Sumir árgangar eru afar fámennir
á Raufarhöfn. í bekknum hans Ara
eru einungis fjórir krakkar.
- Við hvað leikið þið strákarnir
ykkur helst?
„Við erum oft á fleka og hjólum
líka um."
- Átt þú systkini?
„Ég á þrjár systur. Lóa er sjö ára,
Sunna eins árs og íris er eiginlega
nýfædd."
- Gætir þú litlu systra þinna?
„Já, stundum."
- Hvernig gengur þér að ráða við
þær?
„Bara ágætlega. Þær eru stund-
um þægar og stundum óþægar."
Elmar Sveinsson er á tíunda ári.
Hann hefur átt heima á Raufarhöfn
í tvö ár en áður á Akureyri. Hann
segir að það sé gjörólíkt að eiga
heima á þessum tveimur stöðum
en honum líki vel á Raufarhöfn.
- Við hvað leikið þið ykkur helst
á veturna?
„Við förum á skauta á Kottjörn
og skíði í brekkum skammt frá
þorpinu."
- Er nokkur skíðalyfta þar?
„Nei, því miður. Við göngum
bara upp."
- Hefur þú farið á sjó?
„Ég fór einu sinni með manni
sem heitir Guðmundur. Hann á
litla trillu og var að leggja út.
Pabbi var líka með."
Tvíburarnir Björn og Skafti eru
eliefu ára.
- Eruð þið svo líkir að fólk þekki
ykkur ekkií sundur?
„Sumum finnst við mjög líkir en
aðrir segja að við séum ekki líkir."
- Hafið þið reynt að gabba fólk?
„Við plötuðum einu sinni Línu,
kennarann okkar. Við skiptum um
sæti. - Nei, nei, hún varð ekkert
reið. Hún hló bara."
- Hafið þið átt heima á Raufar-
höfn lengi?
„Nei, bara í vetur. Við höfum átt
lreima í Reykjavík, Kefiavík,
Stykkishólmi og Danmörku. Pabbi
okkar er danskur."
Myndir: Odd Stefán
Texti: KH
Rósa Ösp Þórbardóttir er oð verda fjögurra ára.
4-8 Æskan