Æskan - 01.12.1992, Blaðsíða 23

LJÓSMYNDARI
Kæri Æskupóstur!
Hvað er lengi verið að læra að
verða Ijósmyndari?
BEF.
Svar:
Til að læra Ijósmyndun hér á
landi þarf að stunda nám í al-
mennum (grunn-) greinum í iðn-
skóla 1 1/2-2 ár - og nema í
fjögur ár samkvæmt samningi
við meistara í greininni. Eftir það
er tekið sveinspróf. Meistarapróf
er unnt að þreyta þremur árum
síðar.
Ljósmyndun er kennd við
ýmsa skóla erlendis og tekur
námið 3-4 ár. Inngönguskilyrði
er yfirleitt stúdentspróf, auk
þess að standast inntökupróf.
Ýmsir þurfa líka nokkurn tima til
að læra málið í því landi sem
þeir stunda námið.
LITASAMKEPPNI OG
ÆSKUVANDI
Kæra Æska!
Ég vil byrja á því að þakka gott
blað. En ég verð að kvarta yfir
einu: Þegar þið efnduð til litasam-
keppninnar höfðuð þið myndina á
glanspappír. Þið hefðuð átt að nota
annan pappír.
Er Æskuvandi hættur?
Ein óánægð.
Svar:
Æskan er prentuð á góðan
pappír - en ekki að öllu leyti
heppilegan til að lita á. Þú hefur
með réttu bent á þann galla.
Margir hafa þó sent Ijómandi fal-
lega litaðar myndir á pappír
blaðsins. Aðrir hafa Ijósritað síð-
una og þannig fengið pappír
sem litir loða betur við.
Myndin var einnig prentuð á
annars konar pappír og dreift
víða.
Þátturinn Æskuvandí var ekki
í 8. tbl. Æskunnar 1992 - en hef-
ur verið frá 1. tbl. 1988 og verð-
ur áfram.
STJÓRNIN OG SKRIF-
STOFUVINNA
Kæra Æska!
Viltu vera svo góð að hafa við-
tal við Stjórnina eða veggmynd?
Mig langar til að vinna á skrif-
stofu eða í banka. Hvernig er best
að undirbúa sig?
Sigga.
Svar:
Viðtal við Siggu og Grétar
birtist í 2. tbl. 1990 (uppselt) -
við Stjórnina alla í 9. tbl. 1990.
Sigga og Sigrún Eva svöruðu
aðdáendum sínum í 4. tbl. 1992
(uppselt). Grétar og Sigga hafa
bæði verið í þættinum, I mörg-
um myndum. - En við sjáum
hvað setur.
Það fer eftir því hve vel þú
vilt undirbúa þig. í grunnskóla
er rétt að leggja áherslu á bók-
færslu og vélritun. Ef farið er í
framhaldsskóla ætti að velja við-
skiptabraut eða -deild; í háskóla
viðskipta- eða hagfræði.
Ritaraskólinn er starfræktur
i Reykjavík. Námið tekur einn
vetur. Lágmarksaldur nemanda
er 18 ár.
Tölvuskólar eru líka til og
efna til ýmiss konar námskeiða.
UM ÞUNGAROKKS-
SVEITIR
Hæ, Æska!
Mér finnst að þið getið birt
greinar um og veggmyndir af
Metallica (strákarnir neyta ekki á-
fengis eða annarra f íkniefna) - og
GN’R líka því að þeir spila vel þó
að þeir hafi ekki alveg hreinan
skjöld.
Aðdáandi.
Svar:
Bréf þitt var afhent umsjón-
armanni Poppþáttarins. Hérskal
nefnt að frá þessum sveitum
hefur margsinnis verið sagt í
Æskunni og veggmyndir af þeim
hafa fylgt blaðinu - GN'R: 1. tbl.
1990, Metallica: 1. tbl. 1991.
Umsjónarmaður Poppþáttar-
ins hefur borið lof á GN’R fyrir
hrífandi laglínur og fleira - en
einnig gagnrýnt þá fyrir ýmis-
legt sem von er.
AÐDÁENDAKLÚBBUR
Kæra Æska!
Get ég fengið að vera með í að-
dáendaklúbbi Steve Martins? Hvað
þarf að borga? Hvað fær maður
sent?
Eysteinn Orri.
Svar:
Ég veit ekki hvert er heimil-
isfang þess klúbbs. í Æskunni
hafa birst heimilisföng klúbba
og leiðbeiningar - um annað sjá
lesendur sjálfir.
Misjafnt er hve hátt gjald þarf
að greiða fyrir að vera félagi í
aðdáendaklúbbi - og hvað
klúbburinn annast. Rétt er að
spyrjast fyrir um það í fyrsta
bréfi til klúbbs og senda tvö al-
þjóðleg svarmerki með.
FLUGFREYJUR
Hæ, Æska!
Mig langar til að fá að vita ör-
lítið um flugfreyjustarf.
Aðeins ég.
Svar:
Skilyrði fyrir því að komast í
skriflegt inntökupróf fiugfreyja
og flugþjóna eru:
Að vera tvítug(ur) - að hafa
stúdentspróf - að skilja og geta
talað tvö eða þrjú erlend tungu-
mál (Norðurlandamál og ensku;
þýska eða franska æskilegar).
Þeir sem standast þrófið og
viðtal að því loknu komast í 6
vikna (kvöld)námskeið. Þar er
tekið fyrir: Öryggismál í flugvél-
um - þjónusta við farþega -
framkoma og snyrting - hjálp i
viðlögum - ýmiss konar skýrslu-
gerð - fræðsla um flugfélagið.
— Að námskeiðinu loknu er far-
ið í reynsluflug.
Flugfreyjur (og -þjónar) þurfa
að starfa á flugleiðum bæði inn-
an- og utanlands. Unnið er í
vaktavinnu - á ýmsum tímum
sólarhringsins.
EINKUM VINIR OG
VANDAMENN
Sæll, Æskupóstur!
Getur þú sagt mér eitthvað um
leikarana í sjónvarpsþáttunum Vin-
um og Vandamönnum? Þeir eru
rosalega vinsælir, sérstaklega
Luke, Jason, Shannon og Jennie.
Getur þú líka birt veggmynd?
Að lokum þakka ég fyrir gott
blað.
Stelpa á Framnesveginum.
Hæ, Æska!
Viltu birta eitthvað með Jason
Donovan, Kylie Minogue og leík-
urum í Vinum og vandamönnum!
Líka veggmynd.
T.Þ.
Kæra Æska!
Þökk fyrir gott blað! Getur þú
birt fróðleiksmola og veggmynd
með hinum frægu krökkum í
„Beverly Hills"?
Mig langar líka til að lýsa
„draumadúllunni" minni. Hann er í
Grandaskóla, dökkhærður, lítill og
sönn knattspyrnuhetja. Hann heit-
ir..
Aðdáandi.
Svar:
Þegar hefur lítið eitt verið
sagt frá Lúkasi og Jason (5. og
8. tbl.) Við bætum um betur í
þessu tölublaði með grein og
veggmynd.
FYRIR „HRUKKUDÝRIN“
Kæra Æska!
í Æskunni er efnt til alls konar
samkeppni - en aldursmarkið er
oftast sextán ár! Er ekki hægt að
hafa sérstakan flokk fyrir okkur
„hrukkudýrin” sem erum eldri en
sextán ára?
Jóna.
Svar:
Æskan er ætluð börnum og
unglingum - að 14-15 ára aldri.
Allmargir halda tryggð við blað-
ið lengur sem áskrifendur - og
ýmsir sem eldri eru en 15 ára
lesa það (hluta þess...) efyngra
systkini er áskrifandi. Við höf-
um miðað við 16 ára aldursmark
og teljum ekki rétt að breyta því.
Ef til vill verður þó aukið við
„hrukkudýraflokki“ í einhverjum
tilvikum.
Kærar þakkir
fyrir bréfin - og
að muna eftir að
greina frá fullu
nafni, aldri og
póstfangi. ~
ÆSKU
PÓSTUR
Æ S K A N 2 3