Valsblaðið - 11.05.1973, Page 64

62
VALS B LAÐIÐ
Guðmundur Ingimundarson, hinn ötuli Valsmaður á skrifstofu félagsins, sem opin
er öltum á fimmtudögum frá kl. 6—8 á kvöldin.
...Wcr/iiin ckki (icfast upp /iií/í uifsóknin sc
sufpfi fiuiHmundur ingintundarsun.
Fríinann Hclfiuson:
KSÍ 25 ára
Á þessu ári, eða nánar til tekið 26.
marz, átti Knattspyrnusamband Is-
lands 25 ára afmæli. Knattspymuráð
Reykjavíkur átti mestan þátt í stofn-
un sambandsins, og sérstaklega var
formaður þess þá, Jón Þórðarson,
virkur og átti mestan þátt í stofnun
sambandsins.
Að stofnuninni stóðu: íþrótta-
bandalag Reykjavikur, Iþróttabanda-
lag Hafnarfjarðar, Iþróttabandalag
Akraness, íþróttabandalag Akureyr-
ar, íþróttabandalag Vestmannaeyja,
íþróttabandalag Siglufjarðar og
Iþróttabandalag Isfirðinga, og munu
um 12 knattspyrnufélög hafa verið
í þessum bandalögum. Stofnfundur-
inn fór fram í Reykjavík.
Fyrsti formaður sambandsins var
Agnar Kl. Jónsson, núverandi sendi-
herra í Osló. Á þessum árum hefur
knattspyrnunni vaxið fiskur um
hrygg á flestum sviðum. Sérstaklega
hafa skipulagsbreytingar átt sinn þátt
í því að auka almennan áhuga fyrir
íþróttinni. Má þar nefna hinar þrjár
deildir sem nú eru hér starfandi eftir
ákveðnum reglum, og ná orðið til nær
alls landsins. Þar kemur og til Bikar-
keppnin, sem náð hefur miklum vin-
sældum.
Þessi víðtæka starfsemi hefur svo
aftur fætt af sér betri aðstöðu um
allt landið og má í því sambandi
benda á: Velli, hús og fleiri leiðbein-
endur. Þátttaka í alþjóðlegum knatt-
spyrnumótum hefur orðið að fastri
venju á allmörgum s.l. árum.
Allt þetta staðfestir það starf, sem
stjórnir KSÍ frá upphafi hafa innt
af höndum þessi 25 ár. Auk þess má
nefna hið mjög svo aukna samstarf
við önnur lönd og í alþjóðasambönd-
um. Sambandið hefur yfirleitt verið
heppið með forustumenn, allt frá
stofnun þess og til þessa dags. Það
verður því ekki annað sagt en að vel
hafi tekizt til um störf sambandsins
og meiru verið til vegar komið en
menn þorðu að vona í upphafi.
Formenn sambandsins frá upphafi
hafa verið:
Agnar Kl. Jónsson, Jón Sigurðsson
slökkviliðsstjóri, Sigurjón Jónsson
járnsmiður, Björgvin Schram og Al-
bert Guðmundson.
Valsblaðið óskar Knattspyrnusam-
bandinu allra heilla í tilefni af þessu
aldarfjórðungsafmæli sínu.
Sifiurdór Sifiurdórsson:
Opið hús hjá Val
Síðan á miðju síðasta sumri hefur
skrifstofa félagsins verið opin fyrir
alla Valsmenn einu sinni í viku, á
fimmtudögum milli kl. 5—7. Stjórn
félagsins vildi kalla þetta opið hús
hjá Val og ætlaðist til þess að ungir
og gamlir félagar, auk foreldra þeirra
barna, sem iðka íþróttir hjá félag-
inu, kæmu og litu inn á skrifstofuna.
„Því miður hefur þetta ekki gengið
nógu vel ennþá“, sagði Guðmundur
Ingimundarson, ritari stjórnar Vals,
sem veitt hefur skrifstofunni forstöðu
frá því að hún var opnuð.
— Er áhugi manna takmarkaður
á þessari tilraun?
— Nei, ekki þeirra sem tjá sig um
það, en það vantar bara að fleiri komi.
Kannski höfum við ekki auglýst þetta
nóg, þannig að of fáir vita af þessu.
— Hvort hefur borið meira á ung-
lingum eða fullorðnum í hópi þeirra
sem litið hafa inn?
— Megnið af þeim, sem hafa kom-
ið, eru unglingar sem átt hafa leið
í íþróttahúsið. Og jú, það hafa litið
inn einn og einn af þeim eldri og
nokkrir hafa komið til mín, til að
greiða árgjaldið.
— Finnst þér aðsóknin hafa vaxið
frá því að skrifstofan var opnuð
fyrst ?
— Það get ég varla sagt. Þetta virð-
ist vera ósköp svipað frá byrjun.
Suma dagana kemur enginn en aðra
daga koma nokkuð margir. Aðalat-
riðið er að gefast ekki upp. Það verð-
ur að vinna betur að þessu en gert
hefur verið.
— Hefur þér fundizt, að þeir ung-
lingar, sem komið hafa til þín, hafi
verið forvitnir um félagið og sögu
þess til dæmis?
— O, það verður nú að segjast
eins og er, að flestir koma þeir til að
skoða bikarasafnið, frekar en til að
forvitnast um sögu Vals. Ég hef haft
þarna nokkuð af Valsblaðinu og þau
hafa fengið blaðið, sem það hafa
viljað.
—■ Hefurðu vonir um að aðsóknin
aukist á næstunni?
— Ég er alveg sannfærður um að
það er hægt að auka hana og að því
verðum við að stefna.
—■ Hefur eitthvað af ungu fólki
gerzt félagar í Val þarna hjá þér?
— Nei, það er nú ekki mikið um
það. Þó hafa nokkrir komið og látið
rita sig inn. Það fer ekki hjá því.
— En þú ert bjartsýnn, Guðmund-
ur, þrátt fyrir að ekki hafi gengið
sem skyldi í byrjun?
— Já, ég er það. Kannski höfum
við ekki farið rétt að í byrjun, en þá
er bara að leiðrétta það og þá er ég
sannfærður um að við höfum gert
rétt í því að opna þarna skrifstof-
una fyrir þá, sem vilja kynnast félag-
inu, eða eldri félaga sem vilja hittast
þar og fylgjast með.
S.dór.