Muninn - 01.11.1966, Blaðsíða 13

I ÞROTTI R
íþróttir eiga sífellt meiri vinsældum að fagna hér í
M. A. íþróttafélagið telur nú yfir 300 félagsmenn
eða fleiri en nokkru sinni áður. Megintilgangur fé-
lagsins er að efla íþróttalíf meðal nemenda og gefa
þeim kost á æfingum, svo fremi sem aðstæður leyfa.
Starfsemi í. M. A. í vetur verður með líku sniði og
undanfarna vetur. Er þó í athugun, hvort grund-
völlur sé fyrir glímunámskeiði innan skólans. Áhugi
fslendinga fyrir glímunni virðist fara vaxandi á ný
og væri óneitanlega ánægjulegt, ef mögulegt yrði að
gera þessa fornu og fallegu íþrótt að keppnisgrein
hér í skóla.
íþróttahúsið er ekki tilbúið, eins og kunnugt er.
Vonir standa þó til, að framkvæmdum við það ljúki
innan tíðar. Er það von mín, að íþróttahúsið þurfi
ekki oft að standa tómt og kalt í vetur.
Knattspyrnumótið hófst 10. okt., eftir að knatt-
spyrnumenn höfðu af stökum dugnaði hreinsað all-
an snjó af íþróttavellinum. Að vísu var völlurinn
nokkuð blautur, þegar til kom, og háði það árangri
nokkuð.
Allir bekkir sendu lið til keppninnar, og komu
úrslitin mönnum nokkuð á óvart, en þau urðu sem
hér segir:
Lið V. bekkjar vann alla sína leiki og hlaut 6 stig.
Lið IV. bekkjar vann 2 leiki og hlaut 4 stig.
Lið 111. bekkjar vann 1 leik og hlaut 2 stig.
Lið VI. bekkjar tapaði öllum sínum leikjum og
hlaut 0 stig.
Um hvert lið fyrir sig er það að segja, að lið V.
bekkjar er afar duglegt, og einkennist það af mikl-
um sigurvilja. Knattmeðferð er ekki áberandi góð,
en hin hröðu upphlaup liðsins reyndust andstæð-
ingunum mjög hættuleg. Beztu menn liðsins voru
þeir Þórður, Hafþór, Ingi og Róbert.
Lið IV. bekkar leikur mjög létt, og knattmeðferð
er yfirleitt mjög góð. Liðið er fremur jafnt, en beztu
menn liðsins eru þó Ágúst, Skúli, Magnús, Jóhann
og Árni.
Lið III. bekkjar kom skemmtilega á óvart með
ágætum leikjum, en þó eru of margir veikir hlekkir
í því til þess að betur mætti takast. Langbeztu menn
voru Einar, Erlingur, Kristján og Benedikt.
Lið VI. bekkjar var heldur dauft og bitlaust, og
lék alla leikina fremur illa. Það er fremur ójafnt og
nær illa saman. Beztu menn voru þeir Guðmundur
og Hilmar.
Stuttu eftir knattspyrnumótið var haldið hrað-
mót milli sömu liða. Varð það mót dálítil sárabót
fyrir lið VI. bekkjar, sem vann nú alla sína leiki
með talsverðum yfirburðum. Þekktu menn þá aftur
Þráin Rósmundsson, sem skoraði 5 mörk í mótinu.
29. okt. var haldið sundmót í Sundlaug Akureyr-
ar. Veður var sæmilegt og áhorfendur fjölmargir,
enda gefið frí í tveim síðustu tímum. Kynnir móts-
ins var Björn J. Arnviðarson, en yfirtímavörður
Magnús Oddsson.
Maður mótsins var Birgir Guðjónsson, V. bekk,
en hann hlaut 5 gullpeninga. V. bekkur vann stiga-
keppnina með yfirburðum, en úrslit urðu sem hér
segir:
100 m bringusund karla.
1. Birgir Guðjónsson, V. b............ 1:23.7 mín.
2. Jón Árnason, IV. b................. 1:27.1 mín.
3. Vignir Valtýsson, III. b........... 1:32.5 mín.
25 m björgunarsund karla.
1. Stefán Þórarinsson, V. b............. 54.3 sek.
2. Smári Agnarsson, V. b................ 56.2 sek.
3. Ebeneser Jensson, V. b............... 58.7 sek.
Gestur mótsins, Egill Egilsson, kennari, svnti á
53.8 sek.
MUNINN 13