Muninn - 01.11.1994, Page 34

hverrar bekksagnar eigi síðar en tíu
dögum frá skólasetningu og skal sá
fulltrúi eiga sæti innan bekkjarráðs
síns bekkjar.
2. í bekkjarráði skal hver bekksögn
eiga einn fulltrúa og æskilegt er að
ráðin kjósi sér formann innan tveggja
vikna frá skólasetningu. Ef fjöldi
bekksagna er jöfn tala skal kjósa einn
viðbótarfulltrúa úr sömu bekksögn og
formaður ráðsins.
3. Bekkjarráðin eru ekki undir
stjórn eða áhrifum skólafélagsins.
VI SKÓLAFUNDIR
1. Skólafundir fjalla um
hagsmunamál nemenda,
embættisglöp, svo og ýmis önnur
mikilsverð mál, sem upp kunna að
koma. Skólafundir eru æðsta vald
nemenda í öllum málum nema
lagabreytingum.
2. Formaður skólafélagsins og
stjórn þess hafa rétt til að boða til
skólafunda. Auk þess á forseti
Hagsmunaráðs kröfu á að boðað verði
til skólafunda. Skal hann sjá um val á
frummælenda á slíkum fundum.
Einnig er skylt að boða til skólafundar
ef 10% nemenda fara fram á það.
3. Skólafundir skulu boðaðir með
minnst tveggja kennsludaga fyrirvara.
Þeir skulu boðaðir með ítarlegri
dagskrá.
4. Formaður Hugins setur
skólafundi og skipar fundarstjóra.
Kennarar hafa málfrelsi á skólafundum
en ekki atkvæðisrétt. Að öðru leyti
gilda almenn fundarsköp á
skólafundum. Einfaldur meirihluti
atkvæða nægir til að samþykkja
ályktanir skólafundar.
VII AÐALFUNDIR OG
EMBÆTTISMANNASKIPTI
1. Aðalfund skal halda í tvennu lagi
: Aðalfund I og II. Á aðalfundi I skal
fjallað um lagabreytingar en á
aðalfundi II skal kosið í öll embætti
skólafélagsins. Hvorn fund skal boða
með minnst viku fyrirvara.
2. Aðalfund I skal eigi halda síðar
en tveim vikum fyrir kosningar ár
hvert. Skal þar fjalla um
lagabreytingar.
3. Um aðalfund I gilda eftirfarandi
ákvæði:
1) Formaður félagsins setur fundinn
og stingur upp á fundarstjóra.
2) Einfaldur meirihluti nægir til að
samþykkja lagabreytingar.
3) Heimilt er á aðalfundi að bera
upp breytingartillögur við tillögur til
lagabreytinga og viðaukatillögur við
þær tillögur.
4) Að öðru leyti gilda almenn
fundarsköp á aðalfundi I.
4. Um aðalfund II (kjörfund):
Kosningar.
Aðalfundur II skal haldinn eigi síðar
en 10. apríl og skal þá kosinn
formaður skólafélagsins, varaformaður,
gjaldkeri, ritari, skemmtanastjóri, tveir
meðstjórnendur, ritstjóri Munins,
Forseti Hagsmunaráðs ásamt
Hagsmunaráði nema fulltrúa 1.
bekkjar, tveir fulltrúar í skólastjórn og
einn fulltrúi í skólanefnd.
5. Um kosningar skulu gilda
eftirtalin ákvæði:
1) Kjörstjórn sér um að framboð
berist í öll þau embætti sem kjósa skal
í. Þetta hindrar þó eigi að önnur
framboð berist.
2) Framboð skulu tilkynnt
kjörstjórn eigi síðar en viku fyrir
aðalfund II. Framboð sem síðar eru
tilkynnt eru ólögleg.
3) Hverju framboði skal fylgja listi
með minnst 10 og mest 25
meðmælendum.
4) Kjörstjórn skal birta opinberlega
öll lögleg framboð, undir sínu nafni,
innan sólarhrings frá því
34
MUNINN