Heimilisblaðið - 01.01.1934, Blaðsíða 31
HEIMILISBLAÐIÐ
31
Íbuggíjt
Kolkrabbai' spilla fiskveiðuin.
Oft er þess getið, að maðkar, engisprettur,
rottur og fuglar geti komið fram í svo ægi-
legri mergð, að það verði hrein landplága. Nú
síðasta kastið má bæta kolkrabbanum við á
skrána. Pað er sagt, að sumarið 1930 hafi verið
svo mikil ógegnd af kolkrabba með Miðjarð3r-
hafsströndum, að hann hafi nærri því eytt öll-
um fiski. Peir eru sérstaklega tiðir þar, sem
mikið er fyrir af humrum og öðrum kröbbum,
sem þeir geta haft sér til matar; á þessum grynn-
ingum hefir svo allur fiskur horfið að heita
má. Þegar netin voru tekin upp, þá voru þau
full af kolkröbbum af öllum stærðum i stað
humra.
Slysasnckkjan »Móloló«.
Blöð i Bandaríkjunum skýra frá því, eins og
hreinasta undri, að eimskipið Móloló, sem flytur
farþega milli vesturstrandar Ameríku og Hawai,
hafi komist til hafnar slysalaust og á tiltekn-
um tíma. — Pað er eins og slysin hafi elt þetta
skip frá upphafi vega sinna. Á fyrstu ferðinni
rakst flugvél á það og flugmennirnir fórust.
Sjúkrabíll sá, er sótti likin, þegar skipið kom
að hafnarbakkanum, ðk yfir heldri konu og dó
hún samstundis, og bróðir annars flugmannsins
var staddur niðri á bryggju, en mannþröngin
hnepti hann út af bryggjunni I sjóinn og þar
druknaði hann. Það voru því engin undur.
þó að Mólolð væri upp frá þeim degi kallað
»Slysasnekkjan«. Og hvað eftir annað kom það
fyrir, að farþegar vildu ekki fara með því skipi,
þótt það ætti að fara beint til Hawai. Menn
bjuggust við nýjum slysum, og þau létu heldur
ekki á sér standa. Á einni ferðinni kom eldur
upp i skipinu og margir fórust. Eftir mikla og
ra:kilega viðgerð rakst Móloló á viðgerðarstöð-
inni á annað gufuskip og brotnaði svo, að henni
varð naumast bjargað fljótandi inn i skipakvína
aftur. Þegar búið var að gera við Móloló meö
ærnum kostnaði, var hún innan skams sett að
nýju í Hawai-ferðirnar. — Þegar Móloló nú kom
heim úr síðustu ferðinni óbrotin með öllu og
slysalaust, þá fóru ritstjórar blaðanna að ræða
þá spurningu, hvort slysaálögin væri nú í raun
og veru vikin frá Mólolð.
Blblíustofniin Moodys í Cliicago.
Hr. Carl Hanson'hefir fyrir hönd ofanneíndr-
ar stofnunar farið þess á leit við Heimilisblaðið,
að það birti eftirfarandi ársskýrslu stofnunar-
innar (D. L. Moody stofnaði hana 1886):
Samkvæmt ársskýrslu Moodys-stofnunarinnar
fyrir árið 1932, sem forseti hennar, dr. James
M. Gray, gefur út, þá skarar það ár fram úr
öllum liðnum árum, að þvl er tölu lærisveina
snertir. Eigi færri en 16,716 nemendur hafa ver-
ið ritaðir inn í hinar ýmsu deildir stofnunarinn-
ar, eða 1,018 í dagskólann, 1,311 I kvöldskólann
og 14,172 1 bréfaviðskiftaskólann.
Ráðningar-ritstofa skólans útvegaði á skóla-
árinu 258 körlum og 176 konum, sem á skólann
gengu, launuð störf í Chicago. Nemendur unnu
alls fyrir 250,000 dollurum sér sjálfum til upp-
eldis.
útvarpsstöð skólans (kallmerki: WMBI) flutti
fagnaðarerindi Krists til mikils fjölda áheyr-
enda á ellefu tungumálum: grísku, sænsku, þýzku,
dönsku, rússnesku, norsku, hollenzku, ítölsku,
spánsku, ensku og þar að auki á tungu Gyðinga
og Araba.
Á árlegu bréfaviðskiftavikunni bárust að 10,000
bréf frá útvarpshlustendunr um öll Bandarikin
og frá öllum héruðum I Kanada og frá Mexiko
og Ástralíu.
Öll útgjöld skólans voru 1,721 dollar á hvern
einasta dag í árinu.
Fjöldi nemenda, sem á ætt að rekja til Norð-
urlanda, er við nám á þessum skóla ár frá ári.
Frá Gyðiiiguin.
Um síðustu aldamót var hin forna þjóðtunga
Gyðinga, hebrezkan, talin að vera »dautt mál«.
Nú eru það 165 þúsundir Gyðinga, sem tala
þetta tungumál daglega, og fer þeim altaf fjölg-
andi, sem nota það.
Árið 1920 áttu Gyðingar aðeins 24.000 ekrur
lands I Gyðingalandi. En 1930 voru þeir búnir að
eignast 297.000 ekrur af frjósamasta landinu.
Það er mælt, að rafstöðin i Jórdansdalnum sé
stærsta aflstöðin i heimi. Hún framleiðir nægi-
legt rafmagn fyrir alt Gyðingaland, bæði til ljósa
og annara nota.
Árið 1931 fluttu 4000 Gyðingar heim til Gyð-
ingalands. Þar af voru 233 fjölskyldur, sem áttu
5000 dollara hver. — Þeir koma ekki í stórhópum,
eins og t. d. þegar þeir komu heim úr útlegðinni
í Babýlon. En orð Jesaja spámanns eru að rætast:
»Þér munuð saman tindir verða einn og einn,
israelsmenn!« (Jes. 27: 12).
í janúarmánuði þ. á. komu 2249 innflytjendur
heim til Gyðingalands, þar af 37 auðmenn. Vegna
aðþrengdra kjara, bæði í Þýzkalandi og viðar,
leita þeir heim til forna ættlandsins, eins og
fyrir er sagt í Guðs orði.