Í uppnámi - 01.06.1901, Qupperneq 7

37
Magnús Árnason, sonur Árna Jónssonar á Rauðamel; móðir mín var
Ragnheiður Elíasdóttir frá Straumfjarðartungu í Miklaholtshreppi; hún
dó er eg var 5 ára, en faðir minn er eg var 11 ára. Eg flutti til
Ameríku 1885, var í Manitoba þar til haustið 1889, er eg flutti til
Vancouver, British Columbia, og að því undanteknu að eg ferðaðist
talsvert í Bandaríkjunum meðfram Kyrrahafsströndinni, dvaldi eg ávallt
í Vancouver þar til 20. ágúst 1898, að eg flutti aptur til Winnipeg
og hef dvalið þar síðan.”
Hann fór þannig einn síns liðs burt af ættjörð sinni, sextán
ára gamall drengur. Hann sigldi með póstskipinu “Laura” til Leitli
og fór þaðan til Glasgow, en þar dvaldi hann í 5 daga. Þaðan fór
hann með einu skipi Anchor-línunnar til New York og svo frá þeim
bæ yfir Port Arthur til Winnipeg. I Vancouver kynntist hann tveim
bræðrum, er hétu Mc Leod og áður voru kunnir meðal skákmanna í
Quebec og öðrum austlægum bæum; annar þeirra fór brátt burt úr
British Columbia og er nú vel þekktur taflmaður í Minnesota. Hinn
bróðurinn, sem nú býr í Minneapolis, var hinn fyrsti markverði mót-
leikandi hins únga Magnúsar, er varð að láta sér lynda í byrjun að
þiggja drottningu í forgjöf, en eigi leið á löngu áður forgjöfln varð
drottningarriddari.
Snemma lærði Magnús skóaraiðn; síðar hefur hann stundað af
miklu kappi, þó tilsagnarlaust, rafmagnsfræði. En til þess að gefa
sig við þeirri iðn þurfti meira fé en Magnús hafði til umráða og
því hefur hann aptur orðið að hverfa að sínum gamla starfa.
Helztu skákbækur, sem Magnds hefur haft aðgang að, eru
Staunton’s “Handbook,” “Chess Manual” eptir Gossrp og Lipschútz,
og Mason’s “Art of Chess.” Með þessari bóklegu þekkingu varð hann
brátt taflmaður af fyrsta flokki og varð hann tvisvar yfirmeistari í skák
í Norðvestur-Canada, og því næst í öllum Bretalöndum í Norður-
Ameriku. Hann hefur teflt 12 samtíðatöfl við beztu taflmenn í Winnipeg
og vann þau öll; einnig hefur hann opt teflt þrjár blindskákir í einu
og við ýms tækifæri nokkur samtíðatöfl og blindskákir. Við H. N. Pills-
bury, yfirskákmeistara Ameríku, hefur hann teflt alls þrjú töfl, sem
prentuð eru á öðrum stað í heptinu, og vann hann tvö af þeim, en
eitt varð jafntefli. En þess ber að gæta, að þessi tvö töfl vann hann
gegn Pillsbury við samtíðatöfl hans. Magnús hefur með seinsta
fengizt nokkuð við að rannsaka hina íslenzku valdskák. í vetur, sem
leið, hefur hann því miður þjáðzt af augnveiki, og hefur það nokkuð
hindrað hann frá að tefla, en vér ætlum að nú sé hann aptur heill
heilsu. Hann bæði talar og skrifar íslenzku og ensku, og hefur ritað
í Winnipeg-blaðið “Heimskringlu.” Mynd hans er tekin úr einu
af síðustu heptnm af “American Chess Magazine,” sem nú er hætt
4*