Iðunn : nýr flokkur - 01.07.1920, Qupperneq 49

IÐUNN
Allsherjar-trúarbrögð.
43
am; það var frá Búddha. Akbar taldi lofsvert að
neyta eingöngu jurtafæðu og át sjálfur lítið kjöt,
hann sagði líka, að sér þætti það eigi gott, en lækn-
ir hans neyddi hann til að neyta þess við og við.
Ávexti taldi hann hina beztu gjöf skaparans. En
hann leyfði — þvert ofan í boð kóransins — að
selja vín til lækninga frá hinum keisaralegu útsölu-
stöðum. En hver kaupandi varð að segja til nafns
síns og föður síns, til að hindra mikla misnotkun
leyfisins. Akbar bannaði trúbræðrum sínum að eta
mikið kjöt. Já, hann bannaði þeim meira að segja
að matast með böðlum, slátrurum eða veiðimönnum.
Einkvæni var ekki fyrirskipað; en það var gert
að skilyrði til að ná hinum hærri stigum í Dini
Illahi. Akbar segir sjálfur, að hann sé fylgjandi ein-
kvæni, innilegri sambúð við eina konu. Einuugis
þegar hjónabandið sé barnlaust, eigi maður að taka
sér aðra konu, því að án barna sé ekkert hjónaband
fullkomið.
Giftingar meðal náinna ættingja og barnagiftingar
(sem voru algengar á Indlandi) voru bannaðar.
Piltar urðu að vera að minsta kosti 16 ára, stúlkur
14 ára (sem samsvarar h. u. b. 20 og 24 árum hjá
okkur). Einnig var bannað að brenna ekkjur.
Akbar hneigðist mjög að sálnaflakkstrú og hafnaði
upprisukenningu íslams og kristnu trúarinnar. En
ekki munu allir áhangendur hans hafa fylgt honum
í því.
Akbar var afar-trúhneigður (religiös). Trúarbrögð
hans voru aðallega fast andlegt bræðralag með mjög
háleitri siðfræði og heitri þrá eftir að gefa sig undir
vilja guðs og breyta vel við allar lifandi verur, eink-
um við »manninn skapaðan í guðs mynd«.
Akbar var það fullljóst, að alþýða manna myndi
eigi geta skilið svo háleit trúarbrögð. Hún varð að
hafa tákn. Og honum var ljóst, að jafnvel mentaðir