Iðunn : nýr flokkur - 01.01.1926, Blaðsíða 77

IÐUNN
Uppboðsdagurinn.
Smásaga.
Hann ]ón í Heiðarkoti sat uppi í rúmi sínu um miðja
nótt fullur angurs, hann reri sér áfram og studdi hönd-
unum á ennið, eins og til að draga úr sviða hugsan-
anna. Næsta dag átti að selja allar hans eigur, lifandi
og dauðar, og hann ætlaði að flytja til Reykjavíkur.
Alt var þetta gagnstætt vilja hans. En Helgi í Heiði
jafnaldri hans og leikbróðir frá æskuárunum átti kotið,
og um veturinn hafði hann sagt honum, að Hjörtur,
einkasonur sinn, tæki við að búa í Heiði þegar hann
kæmi frá búnaðarháskólanum í Danmörku; og hann hefði
komið heim í fyrra sumar og sagt þá, að þetta kot yrði
að losa. Dæði þætti sér háðung að kotinu svo nærri
steinhúsinu sem hann ætlaði að byggja, og svo væri
þetta besta fjárhússtæðið í allri sveitinni.
Þetta voru nú ástæðurnar til þess, að ]ón gamli varð
að víkja frá kotinu. En nærri mest af öllu sárnaði hon-
um sigurbrosið á vörum Helga, er hann tjáði honum
þetta, og nýmóðins lipurð hans og greiðvikni í daglegri
umgengni.
Minningarnar voru margar sem tengdar voru við þennan
stað, og þær þutu án afláts gegnum huga hans:
Hér höfðu þeir búið, faðir hans og afi, hér lék hann
sér drengur, hér feldi hann fyrst ástarhug til Sigríðar
sinnar, sem hann ætíð vissi að stóð honum svo langt framar
í öllu, og svo aðdáanlega hafði stutt hann og strítt með
honum. í þessari baðstofu hafði hún alið honum sextán