Kirkjuritið - 01.09.1948, Page 19

%
BRÉF TIL SÉRA VALDIMARS BRIEM 193
arefnum. — Mér er ekki Ijóst, hvað þú hefir í huga, þar
sem þú segir rétt áður: „Þótt það hafi lítt séð á í verki.“
Þú getur varla átt við það, að honum hafi verið lítill sómi
sýndur. Að minnsta kosti man eg ekki til, að nokkurt skáld
á íslandi hafi í lifanda lífi fengið eins fulla viðurkenningu
Þess, hvað þjóðin á honum að þakka, eins og hann. Og
er gleðilegt til þess að vita, því að það gladdi hann að fá
Þá viðurkenningu.
Þetta seinasta er nú allt smávægilegt og tekur varla að
nefna.
Þú sér nú á því, sem komið er, að það er langt frá því,
að eg vilji ráða þér frá að verða við ósk séra Sigurðar (ritstj.
Prestafélagsritsins). Jafnvel þó að þú værir að hugsa um
að senda greinina eins og hún er, mundi eg ekki ráða þér
frá því, því að eg vildi gjarna sjá á prenti með þínu nafni
hndir sumt af því, sem þú segir um Matthías, satt og vel.
En til þess að hún fullnægi, finnst mér, að þú munir þurfa
að verja til hennar miklu meiri tíma, lesa og rannsaka
kvæði Matthíasar og bréf og fylla svo með ívafi þessa
uppistöðu, sem komin er. En sérstaklega eru það þessi
tvö atriði, sem eg nefndi — er mér þykir nauðsynlegt að
skrifa miklu rækilegar um.
Mér finnst sjálfsagt, að þú skrifir séra Sigurði með póst-
iuum, hvort þú ætlar að verða við bón hans. En ef þú ræð-
ur af að verða við henni, þá liggur ritgerðinni ekkert á.
^á hefir þú til hennar enn þá á annan mánuð, svo þú þarft
ekki að flýta þér mjög. Þegar þú ert búinn að viða að þér
uógu efni, þá þarftu ekki — með þínum pennaliðugleik —
lungan tíma til að setja ritgerðina saman.
Gaman þætti mér, ef járnbraut væri í milli, að skreppa
til þín og rabba við þig-um Matthías á víð og dreif. Oft
getur mál skýrzt fyrir manni við samtal og nýjar hugs-
anir vaknað. Gott, að þú átt fólk heima, sem þú getur
spjallað við. Og létti sóttkvíun af bráðum, væri auðnáð
til Kjartans til samtals. Hann hefir, held eg, betra skáld-
skaparvit en eg. Og svo gætuð þið skrifazt á.
13