Kirkjuritið - 01.09.1948, Page 51

PRESTASTEFNAN 1948
225
þau yfirleitt prýðilega sótt, og 38 kirkjukórar tóku þátt í
þessum söngmótum eða héldu opinberlega hljómleika hver
í sínu lagi.
Á sýnódus í fyrra gat ég þess, að fyrir Alþingi hefði þá
legið frumvarp um söngskóla þjóðkirkjunnar. Þetta frumvarp
varð ekki útrætt á Alþingi, og var ekki talið ráðlegt að bera
það aftur fram á síðasta þingi. En eigi að síður var slíkur
skóli starfræktur frá 1. jan.—1. maí s. 1., og nutu þar kennslu
alls 27 nemendur.
Skólinn starfaði í einni kennslustofu í húsinu Sólvallagötu
74. Greiddi ríkið húsaleigu fyrir kennslustofuna og ennfremur
pedalorgel, sem keypt var til skólans. Aðalkennari var söng-
málastjórinn, Sigurður Birkis, en einnig kenndu við skólann
Guðmundur Matthíasson og Páll Halldórsson.
Ennfremur kenndu eftirlitsmenn kirkjukóra í hinum ýmsu
Prófastsdæmum alls 9 mönnum orgelleik, með það fyrir aug-
um að þessir menn tækju síðan að sér organistastörf í sóknum
sínum.
Þrátt fyrir innflutningshömlur og gjaldeyrisvandræði hefir
á síðastliðnum þrem árum tekizt að útvega hljóðfæri handa
samtals 23 kirkjum, og von er á nokkrum slíkum hljóðfærum
a þessu ári. Þar á meðal er nú komið og uppsett í Bessastaða-
kirkju mjög vandað pípuorgel, og annað svipað hljóðfæri er
væntanlegt nú í Eyrarbakkakirkju.
Yfirleitt má það vera mikið gleðiefni bæði prestum og söfn-
uðum og yfirleitt öllum þeim, sem kirkjusöng unna, hve mikið
hefir áunnizt í þessum efnum á undanförnum árum.
Á síðastliðnu sumri kom hingað aðalritari Brezka biblíufé-
lagsins, Dr. John Temple. Lofaði hann að greiða eftir megni
íyrir sendingum Biblía og Nýjatestamenta hingað, en á þeim
hefir verið tilfinnanleg vöntun í landinu undanfarin ár, enda
mun allmikið af bókabirgðum félagsins hafa skemmzt eða
eyðilagzt á styrjaldarárunum. Varð það að ráði, að Biblíufélagið
hér tæki að öllu leyti að sér framvegis útvegun íslenzkra Biblía
°g Nýjatestamenta og dreifingu þeirra hér á landi. Hefir
biskupsskrifstofan haft þetta með höndum síðan. Alls hafa
komið hingað frá Brezka félaginu síðan um áramót um 700
Biblíur og tæp 3000 Nýjatestamenti. Biblíumar eru löngu upp-
seldar, en nokkuð er eftir af Nýjatestamentum. Vandkvæði á
15