Kirkjuritið - 01.09.1948, Page 67

KRISTINDÓMSFRÆÐSLA í HÚSMÆÐRASKÓLUM 241
Mér þótti einsætt, strax og þetta ákvæði var sett inn
í húsmæðraskólalögin, að hefja kristindómsfræðslu í hús-
mæðraskólanum að Laugalandi, enda voru á því hæg
heimatökin fyrir mig, þar sem skólinn er svo að segja við
bæjarvegginn hjá mér og ég kenndi þar nokkrar náms-
greinar aðrar áður.
Kemur þar fyrst og fremst til greina sú almenna ástæða,
að menning vor hvílir þrátt fyrir allt svo mjög á kristnum
hugmyndum, að það heyrir blátt áfram til almennri mennt-
un, að vita eitthvað í þeim efnum.
Enn í dag er kristindómurinn eitt af sterkustu öflunum,
sem mótar einstaklingslífið og félagslífið, og þyrftu menn
að gera sér það ljósara, hvað margt í löggjöf vorri og
siðavitund á uppruna sinn að telja til hans. Þá væri síður
hætt við þeirri hugsunarvillu, að vér gætum gjarnan kastað
trú vorri, en menning sú, sem frá henni er runnin, haldi
samt sem áður áfram að blómgast og dafna.
Veröldin hefir fengið næga reynslu af því á síðustu
tímum, að þær þjóðir, sem mest hafa amazt við kristnum
trúar- og siðahugsjónum, hafa jafnframt verið erfiðastar
í alþjóðaviðskiptum og beitt mestum yfirgangi og kúgun.
En það, sem gildir um þjóðirnar í heild, gildir einnig um
einstaklingana.
Efling kristindómsins er því um leið efling þeirra siða-
hugsjóna, er liggja til grundvallar fyrir þeim hugmyndum
um frelsi, mannúð og mannréttindi, sem lýðræðisskipulag
menningarríkja nútímans er byggt á. Og ef vér skoðum
menntun eigi aðeins tileinkun einstakra þekkingaratriða,
heldur eigi hún um leið að stuðla að alhliða menningar-
þroska nemendanna, þá má enginn skóli við því að snið-
ganga kristindóminn, því að hann er, skoðaður frá einni
hlið: vísindin um lífið.
önnur ástæðan og sú, sem hér kemur einkum til greina,
er, að uppeldi kynslóðanna hvílir mjög á herðum mæðr-
anna. Þær fylgja börnunum fyrstu sporin út í lífið og
þeirra trúar- og siðahugsjónir eru það, sem fyrst koma
16