Kirkjuritið - 01.09.1948, Side 71
KRISTINDÓMSFRÆÐSLA í HÚSMÆÐRASKÓLUM 245
Hafa flestar námsbækur í kristindómi frá upphafi vega
mistekist og fljótt orðið úreltar.
Spurningin er, hvort Nýja testamentið, eða hinar ágætu
Biblíusögur, sem nú er notaðar í barnaskólum, eru ekki
hentugasta bókin til að leggja til grundvallar við námið.
Því að hvorttveggja er, að gott er að kenna ungum kon-
um að lesa N. t. meir en þær gera nú að jafnaði, og ef
kennarinn er á annað borð hæfur til að leiðbeina í þessum
fræðum, þarf hann enga aðra bók.
Ég vil að lokum benda á það, að um 300 námsmeyjar
eru á ári hverju brautskráðar úr húsmæðraskólum lands-
ins og fer væntanlega fjölgandi.
Það er því ekki lítilsvirði fyrir kirkjuna, ef hægt væri
að hafa einhver trúarleg áhrif á húsmæðraefnin, sem bezta
aðstöðuna hafa til að ráða miklu um trú og lífsstefnu
þeirra kynslóða, sem í framtíðinni vaxa upp í landinu.
Og ég vil fullyrða, að jarðvegurinn er hvergi betri.
Mér er það ljóst, að þessar hugleiðingar mínar ná ekki
langt. Ég hefi aðeins viljað gera grein fyrir, hvernig þetta
mál horfir við frá mínu sjónarmiði og hvaða skil ég hefi
reynt að gera því eftir minni litlu getu. Ég býst ekki við,
að það liggi fyrir að gera hér neinar ályktanir eða sam-
þykktir um málið.
En aðalatriðið virðist mér vera þetta, að reynt sé að
vekja ást og skilning námsmeyjanna á meginatriðum krist-
indómsins, anda hans og lífsskoðun, með því að lesa með
þeim einhverja valda kafla úr Nýja testamentinu, og
kynni það þá að geta orðið til að kenna þeim, að lesa
þá bók betur sér til andlegrar uppbyggingar og blessunar.
Benjamín Kristjánsson.