Kirkjuritið - 01.09.1951, Side 5

Kirkjusálmur.
(Stæling).
Lag eftir Gustaf Aulén, biskup í Strángnesi.
Feðranna kirkja á frónskri grund,
fátæk af veraldar gæðum,
starf þitt er mikið og stórt þitt pund,
stríð þú og bið fram á hinztu stund.
Sigurvon svellur í æðum.
Lengi og hvíldarlaust stríð þitt stóð.
Styrkva þig baráttan gerði.
Frelsinu helgaðist biskups blóð.
Baráttukjark efldu Hallgrímsljóð.
Ennþá er vakað á verði.
Vígð eru brúðhjón og börnin skírð,
blessað hvert sáðkorn í moldu.
Sannindin eilífu út eru skýrð;
æskan sér guðlega himindýrð
Ijóma yfir feðranna foldu.
Traustur var stofninn og trygglynd sál,
trúuð á sigur hins góða.
Glæddi þann neista, er gjörðist bál,
glæsileg bókvísi, tigið mál, —
nægtabúr norrænna þjóða.