Kirkjuritið - 01.09.1951, Blaðsíða 32

198
KIRKJURITIÐ
guðsþjónustu, en þeir skipa báðir nefnd þá, sem hér ræðir
um, ásamt séra Sigurði Pálssyni í Hraungerði.
Þátttaka í bænadeginum mun hafa verið mikil og almenn,
eftir þeim fréttum, sem mér hafa borizt. Og sumstaðar önn-
uðust leikmenn kirkjusamkomurnar, sem er nýlunda hér á
landi, en eigi er mér enn kunnugt, hve víða það var. Guðs-
þjónustuformið, sem var einfalt og óbrotið, mun yfirleitt hafa
líkað mjög vel. Vil ég nota tækifærið til þess að þakka nefnd-
inni störf hennar.
Samkvæmt skýrslu söngmálastjóra þjóðkirkjunnar voru a
sýnódusárinu stofnaðir tíu kirkjukórar og eru þeir þessir:
1. Kirkjukór Sauðlauksdalssóknar,
2. Söngkór Hrunakirkju,
3. Kirkjukór Grímseyinga,
4. Söngkór Strandarkirkju,
5. Stórholtskirkjukór,
6. Söngkór Súðavíkur,
7. Kirkjukór Dagverðamesskirkju,
8. Kirkjukór Staðarfellskirkju,
9. Kirkjukór Bægisársóknar,
10. Kirkjukór Möðruvallaklausturs.
Hafa þá alls verið stofnaðir 150 kirkjukórar í landinu.
Stofnuð voru þrjú kirkjukórasambönd:
1. Kirkjukórasamband Eyjafjarðarprófastsdæmis,
2. Kirkjukórasamband S.-Þingeyjarprófastsdæmis,
3. Kirkjukórasamband N.-Þingeyjarprófastsdæmis.
Eru þá kirkjukórasamböndin orðin 16 alls.
Sjö kirkjukórasambönd héldu söngmót á árinu, er yfirleitt
tókust mjög vel. Auk þess héldu og mjög margir kirkjukórar
hljómleika heima í sóknunum og voru þeir vel sóttir, enda
áhuginn á kirkjusöngnum hvarvetna að glæðast, þar sem kórar
hafa verið settir á stofn.
Enn eru á landinu um 130 sóknir, þar sem eigi starfa reglu'
legir kirkjukórar, þannig, að þótt framfarirnar hafi orðið
miklar á þeim tíu árum, sem liðin eru síðan hinn ötuli söng'
málastjóri tók til starfa, þá er þó enn mikið verk óunnið
á þessu sviði.
Söngskóli þjóðkirkjunnar starfaði með svipuðu sniði og un<^'
anfarið, og nutu þar kennslu á síðastliðnum vetri 29 nemendur-