Kirkjuritið - 01.10.1955, Side 45

Ferð til Norðurlanda.
Dagana 19. ágúst — 3. sept. var ég í Norðurlandaför, og þykir
hlýða, að ég segi frá henni nokkrum orðum í Kirkjuritinu.
Ferðinni var fyrst heitið til Oslóar, því að skammt þaðan
skyldi halda biskupafund Norðurlanda 24. — 29. ágúst. Hefir
sú venja verið upp tekin á seinni tímum, að biskuparnir á Norð-
urlöndum hittist þriðja hvert ár og eigi þá dvöl saman nokkra
daga til kynningar innbyrðis og umræðna um kristindómsmál.
Að morgni fyrsta fundardagsins söfnuðust biskuparnir sam-
an í biskupsgarðinum í Osló við torg Hallvarðs helga, þar sem
áður var miðstöð kristninnar í landinu, bæði klaustur og kirkja,
stór og fögur. Er biskupssetrið mikil höll og vegleg. Biskups-
hjónin fögnpðu okkur hið bezta, Jóhannes Smemo og kona
hans. Hafði hann mjög annast undirbúning undir fundinn. —
Urðu biskuparnir alls 33 á honum, af 39. Höfðu aldrei áður
komið svona margir.
Eftir morgunverð í biskupsgarði voru skoðaðar kirkjurústir
fornar rétt hjá og tvær munkastofur, sem enn standa af klaustr-
inu. Því næst var ekið í bíl og heimsóttar helztu kirkjur Osló-
borgar og aðrir merkir staðir. I veizlu, er kirkjumálaráðuneytið
hélt biskupunum, hitti ég Eivind Berggrav. Hann er em að
sjá, en heilsan þó orðin mjög veil. Kvaðst hann hafa þráð það
lengi að fá að sjá ísland, en varla myndi sér nú verða þess
auðið.
Nokkru eftir miðaftan var komið til Reistadskóla í Hlíðum,
Þar sem fundinn skyldi halda. Er staðurinn hinn fegursti, uppi
í hávöxnum skógarlundi, og blasir við Drammenfjörðurinn hið
neðra. Var allra yndislegast að horfa þangað á kvöldum, þegar
Ijósadýrð borgarinnar blikaði við og speglaðist í firðinum.
harna áttum við saman hlýja og bjarta daga.
Það yrði of langt mál að rekja hér umræður á þessum fundi.
En starfinu var háttað þannig, að á morgnana var Biblíulestur,