Ægir - 01.11.1930, Side 10
240
ÆGIR
þeir aular að hafa dálítinn slaka á kaðl-
inum, svo þegar við loksins vorum búnir
að losa naglann, og vega hana úr sætinu
(falsinu), þá purpaði hún kaðalinn eins
og brennt bréf hefði verið, um leið og hún
hrökk niður, og munaði minnstu að hún
mélaði bátinn, sem við vorum í.
Sægur af fólki, hvaðanæfa af landinu,
kom um sumarið til þess að skoða þetta
skipsbákn, og mátti stundum heyra óp
og vein, og guð almáttugur ! þegar verið
var að drösla kvenfólkinu upp þennan 17
tröppu riðlandi stiga, sem náði upp að
öldustokk skipsins.
Framh.
Fjórðungsþing Vestfirðinga.
Hinn 1. dag nóvembermán. 1930, var
hið 9. þing fiskideilda Vestfirðingafjórð-
ungs sett og haldið i barnaskólahúsinu
á Þingeyri í Dýrafirði.
Með því forseti fjórðungsþingsins, Arn-
grímur Fr. Bjarnason, var fjarverandi
setti varaforsetinn, Andrés Kristjánsson
í Meðaldal þingið og stýrði þvi.
Þessir fulltrúar voru mættir í byrjun
þings:
Fyrir fiskideildina Tilraun í Hnifsdal
Ingimar Bjarnason skipstjóri.
Fyrir fiskideild Isafjarðar, Gisli Júlíus-
son skipstjóri og Kristján Jónsson er-
indreki.
Fyrir fiskideild Dýrafjarðar, Andrés
Kristjánsson skipstj. Meðaldal.
Fyrir fiskideildina Framtiðin Bíldudal,
Jón Jóhannsson skipstj. Bíldudal.
Fyrir fiskideildina Hvöt Tálknafirði,
Emil J. Vestfjörð bóndi á Hóli.
Síðar um daginn mætti Guðm. Ein-
arsson stöðvarstjóri á Þingeyri, fyrir fiski-
deildina Röst á Patreksfirði, samkvæmt
símskeyti frá stjórn deildarinnar, og var
hann samþykktur í einu hljóði sem
fulltrúi.
Varaforseti þingsins las upp bréf frá
forseta Fiskifélagsins, um að fjórðungs-
þing skuli háð á þessu ári, þar sem með-
al annars beri að kjósa tvo fulltrúa á
Fiskiþing til 3 ára, samkv. ályktun síð-
asta Fiskiþings, og ennfremur að semja
fjárhagsáætlun fjórðungsins fyrir árið
1931.
Urðu um bréf stjórnarinnar nokkrar
umræður, einkum að þvi er snertir ó-
nýting kjörbréfa þeirra fulltrúa, er kosnir
voru á Fiskiþing á s. 1. fjórðungþingi.
Var síðansvo hljóðandi ályktun frá Krist-
jáni Jónssyni, samþykkt með 4 atkv. gegn
1 (Jón Jóhannsson):
»Fjórðungsþingið lýsir yfir þvi, að það
telur fjórðungsþingin sjálf rétta aðila
um að dæma um kosningu fulltrúa
sinna, og telur að Fiskiþingið hafi að
ýmsu misbeitt valdi sínu með því, að
ónýta kjörbréf Fiskiþingsfulltrúa þeirra,
er kosnir voru á síðasta fjórðungs-
þingi«.
Síðan voru eftirfarandi mál rædd og að
því búnu visað til nefnda, að 1. málinu
undanteknu, er eigi fór í nefnd. 1 alls-
herjarnefnd er hafði meðferðar 2.-5.
mál, voru kosnir Ingimar Bjarnason,
Gísli Júlíusson, Emil Vestfjörð. í nefnd
til athugunar 6,—9. máli, Kristján Jóns-
son, Jón Jóhannsson, Guðm. Einarsson.
í fjárhagsnefnd voru kosnir: Kristján
Jónsson, Jón Jóhannsson og Andrés Krist-
jánsson.
Að því búnu voru svo hljóðandi til-
lögur samþykktar:
1. Símamái. »Fjórðungsþingið lýsir
yfir því, að það telur bráðnauðsynlegt
að símalína verði lögð frá Bíldudal til
Selárdals í Arnarfirði, og skorar á stjórn
Fiskifélagsins að beita sér fyrir því að