Skinfaxi - 01.02.2010, Blaðsíða 12

12 SKINFAXI – tímarit Ungmennafélags Íslands
Frjálsar íþróttir:
MÍ 15–22 ára í frjálsum íþróttum innanhúss:
Miklar framfarir
og áhugi ein-
kenndu mótið
Meistaramót Íslands 15–22 ára innanhúss fór fram í frjálsíþróttahöllinni í
Laugardal 30.–31. janúar sl. ÍR-ingar urðu Íslandsmeistarar, sjöunda árið
í röð, með 378 stig. Í öðru sæti var Breiðablik með 180 stig og í þriðja sæti
var sameiginlegt lið HSK og Umf. Selfoss með 153,5 stig.
Alls kepptu 17 lið á mótinu og var mik-
ið um nýja keppendur í nokkrum flokkum.
ÍR sigraði stigakeppnina í öllum aldurs-
flokkum, að undanskildum sveinaflokki,
15–16 ára, þar sem lið HSK/Selfoss sigraði.
Hörkukeppni var á mótinu báða keppn-
isdagana og mátti sjá mikið af efnilegu
frjálsíþróttafólki sem mun vafalaust láta
til sín taka á næstu mótum FRÍ.
Í einstaklingsgreinum voru margir öfl-
ugir keppendur mættir til leiks. Stefanía
Valdimarsdóttir úr Breiðabliki gerði sér
lítið fyrir og sigraði í sex keppnisgreinum
á mótinu. Hún hljóp 60 metra hlaup á
8,06 sek., 200 metra hlaup á 26,18 sek.,
800 metra hlaup á 2:19,19 mín. og 60
metra grindahlaup á 9,32 sek. Hún
stökk síðan 5,57 metra í langstökki
og kastaði kúlu 10,22 metra.
Bjarki Gíslason frá UFA vann þrefalt
þegar hann sigraði í stangarstökki, fór
yfir 4,50 metra, stökk 13,56 metra í
þrístökki og hljóp 60 metra grindahlaup
á 8,73 sek.
Fleiri keppendur unnu þrefalt á mótinu.
Dóróthea Jóhannesdóttir úr ÍR sigraði í
200 metra hlaupi á 25,78 sek., fór yfir
1,62 metra í hástökki og stökk í 5,20
metra í langstökki. Helga Margrét Þor-
steinsdóttir úr Ármanni vann sigur í kúlu-
varpi þegar hún varpaði kúlunni 13,36
metra, stökk 5,34 metra í langstökki og
hljóp 800 metra hlaup á 2:13,81 mín.
ÍR-ingum tókst að verja Íslandsmeistara-
titil sinn innanhúss með glæstum sigri á
Meistaramóti Íslands sem fram fór dagana
6.–7. febrúar sl. í frjálsíþróttahöllinni í
Laugardal. Liðið hlaut 25.995 stig, en það
er þó nokkru meira en lið Fjölnis sem lenti
í öðru sæti með 16.895 stig. Lið FH var
svo í þriðja sæti með 13.334 stig. Lið ÍR
sigraði einnig í kvennaflokki, en það var
lið FH sem sigraði í karlaflokki. Keppni
gekk vel í höllinni í dag og mátti sjá mörg
glæst afrek.
Arndís Ýr Hafþórsdóttir úr Fjölni bætti
Íslandsmet í ungkvennaflokki í 3000 m etra
hlaupi þegar hún hljóp á tímanum 9:54,45
mín. Gamla metið átti Íris Anna Skúladóttir,
einnig úr Fjölni, frá árinu 2006 (10:01,70
mín.). Íris Anna hljóp einnig undir metinu
eða á 10:01,69 mín.
Hin unga og efnilega Aníta Hinriksdótt-
ir úr ÍR setti nýtt telpna- og meyjamet í
3000 metra hlaupi þegar hún hljóp á
tímanum 10:29,15 mín., sem dugði henni
í 3. sæti. Hún setti einnig nýtt telpnamet í
1500 metra hlaupi en hún hljóp á 4:47,30
mín. og endaði í fjórða sæti.
Mikil spenna var í 200 metra hlaupi
kvenna þar sem félagssysturnar úr ÍR,
Meistaramót Íslands í frjálsum íþróttum innanhúss:
Sjá mátti mörg glæst afrek
Arna Stefanía Guðmundsdóttir og
Dóróthea Jóhannesdóttir, komu nánast
jafnar í mark, en það var Arna sem sigraði
á 25,55 sek. og Dóróthea varð önnur á
tímanum 25,80 sek. Arna Stefanía keppti
einnig í 400 metra hlaupi þar sem hún
endaði í öðru sæti, á tímanum 57,20 sek.,
en það er nýtt meyja- og stúlknamet.
Helga Margrét Þorsteinsdóttir sigraði í
400 metra hlaupinu og setti um leið ung-
kvennamet, á tímanum 55,52 sek.
Linda Björk Lárusdóttir úr Breiðabliki
sigraði í bæði 60 metra (7,93 sek.) og 60
metra grindahlaupi (8,90 sek.) á mótinu.
Önnur í 60 metra grindahlaupi (9,06
sek.) varð Jóhanna Ingadóttir frá ÍR en
hún sigraði einnig tvöfalt á leikunum,
í langstökki (5,82 metra) og í þrístökki
(11,95 metra).
Örn Davíðsson úr FH vippaði sér yfir
1,97 metra í hástökki karla, sem veitti
honum 1. sætið. Annar var Steinn Orri
Erlendsson úr Breiðabliki sem stökk yfir
1,91 metra.
Langstökk án atrennu var sérstök auka-
grein á mótinu og var fjöldi keppenda
skráður til leiks í greinina. Spjótkastarinn
Ásdís Hjálmsdóttir úr Ármanni sigraði
í kvennaflokki, með stökk upp á 2,49
metra. Í flokki karla sigraði Gunnar Páll
Halldórsson frá Breiðabliki, hann stökk
3,08 metra, en Örn Dúi Kristjánsson frá
Ungmennafélagi Akureyrar kom í humátt
á eftir honum með stökk upp á 3,03 metra.