Skinfaxi - 01.02.2010, Blaðsíða 13
SKINFAXI – tímarit Ungmennafélags Íslands 13
Bjarki og Stefanía
meistarar
Bjarki Gíslason frá Ungmenna-
félagi Akureyrar sigraði í karlaflokki á
Meistaramóti Íslands í fjölþrautum en
keppnin fór fram í Laugardalshöllinni
helgina 20.–21. febrúar sl. Sigur Bjarka
var nokkuð öruggur. Hann hlaut alls
4882 stig en félagi hans að norðan,
Elvar Örn Sigurðsson, lenti í öðru sæti
með 4181 stig. Sölvi Guðmundsson úr
Breiðabliki hafnaði síðan í þriðja sæti
með 4057 stig.
Bjarki, sem er tvítugur að aldri, hef-
ur skipað sér á bekk meðal efnileg-
ustu frjálsíþróttamanna landsins. Hér
er á ferð mikið efni sem á eftir að láta
að sér kveða í framtíðinni. Nokkrir aðr-
ir efnilegir frjálsíþróttamenn eru að
koma fram svo það er óhætt að segja
að bjart sé yfir frjálsum íþróttum hér
á landi um þessar mundir.
Í kvennaflokki bar Stefanía
Valdimarsdóttir úr Breiðabliki sigur
úr býtum en hún hlaut alls 3537 stig.
Fjóla Signý Hannesdóttir, HSK/Selfoss,
lenti í öðru sæti með 3474 stig og
Agnes Þórarinsdóttir, UFA, varð í þriðja
sæti með 3211 stig.
MÍ í fjölþrautum innanhúss:
Frjálsíþróttakonan Helga Margrét Þor-
steinsdóttir setti nýtt Íslandsmet í fimmt-
arþraut innanhúss á sænska meistaram-
ótinu í Stokkhólmi 6. mars sl.
Helga Margrét hlaut samtals 4205 stig
en gamla metið, sem hún átti einnig, var
4018 stig. Helga Margrét, sem er aðeins
19 ára, varð önnur í þrautinni. Sigurveg-
ari varð Jessica Samuelsson frá Svíþjóð en
hún er sex árum eldri en Helga Margrét.
Jessica hlaut alls 4476 stig.
Þessi árangur Helgu Margrétar undir-
strikar styrk hennar í frjálsíþróttaheimin-
um og verður spennandi að fylgjast með
henni á mótum sem fram undan eru í vor
og í sumar.
Árangur hennar í einstökum greinum í
fimmtarþrautinni í Stokkhólmi var þessi:
60 metra hlaup 8,86 sek., hástökk 1,71
metra, kúluvarp 13,86 metra, langstökk
5,63 metra og 800 metra hlaup hljóp hún
á 2:15,31 mín.
Helga Margrét
setti Íslandsmet
í fimmtarþraut
Vinnum saman Græðum Ísland
Landgræðslufræ
Ef þú þarft að græða mela og rofabörð eða rækta
fallega grasflöt eigum við fræið handa þér.
Ráðgjöf um val á fræi við mismunandi aðstæður.
Landgræðsla ríkisins
Gunnarsholti, 851 Hellu
Sími 488-3000, símbréf 488-3010, land@land.is, www.land.is