Skinfaxi - 01.02.2010, Blaðsíða 24

24 SKINFAXI – tímarit Ungmennafélags Íslands
Ungmennafélag Grindavíkur fagnaði
75 ára afmæli sínu þann 3. febrúar sl.
Haldið var upp á afmælið með stærsta
afmælishófi í sögu Grindavíkur. Rúmlega
400 manns mættu í sannkallaða þorra-
og afmælishátíð UMFG þar sem var glatt
á hjalla. Afmælishátíðin tókst í alla staði
ljómandi vel undir röggsamri stjórn
veislustjórans skemmtilega, Freys Eyjólfs-
sonar.
Búið var að gera íþróttahúsið að glæsi-
legum veislusal þar sem knattspyrnu- og
körfuknattleiksdeildir félagsins tóku sig
saman um að halda afmælið og lá ómæld
sjálfboðavinna þar á bak við. Gunnlaugur
Hreinsson, formaður UMFG, veitti viður-
kenningar. Sex einstaklingar fengu silfur-
merki UMFG og sjö fengu gullmerki félags-
ins. Þá fengu traustir bakhjarlar félagsins
í gegnum tíðina viðurkenningu UMFG.
Tveir voru gerðir að heiðursfélögum
UMFG, þeir Halldór Ingvason og Jón
Leósson.
Glæsilegt afmælishóf hjá
Ólafur Örn Ólafsson bæjarstjóri færði
UMFG afmæliskveðjur frá Grindavíkurbæ
og afhenti 250.000 kr. að gjöf frá bænum
til forvarnamála, en UMFG hefur nýlega
stofnað forvarnasjóð. Helga G. Guðjóns-
dóttir, formaður UMFÍ, færði UMFG
afmæliskveðju Ungmennafélags Íslands.
Skemmtiatriðin voru flest hver heima-
gerð og þau voru hvert öðru betra. Stiga-
menn tóku lagið með sínum hætti og
fluttu m.a. nýja útgáfu af Gestalistanum.
Sæbjörg Vilmundsdóttir og Birna Óla-
dóttir fluttu bæjarbrag eftir Dædu með
sínu nefi, en bæði þessi atriði voru á
heimsmælikvarða. Þá sýndu stelpurnar
á leikskólanum Laut á sér glænýja hlið
með afar skemmtilegu söngatriði í anda
ABBA og tenórarnir tveir, Davíð og Stefán,
tóku lagið. Það var svo hljómsveitin Í
svörtum fötum sem lék fyrir dansi fram
eftir nóttu.
Þar sem hátíðin þóttist takast með ein-
dæmum vel er stefnt að því að gera risa-
þorrablót UMFG að árlegum viðburði.