Skinfaxi - 01.02.2010, Blaðsíða 32
32 SKINFAXI – tímarit Ungmennafélags Íslands
Úr hreyfingunni
Ísafjarðarbær hefur endurnýjað verk-
efnasamning við Héraðssamband Vest-
firðinga. Í samningnum kemur fram að
Ísafjarðarbær felur HSV að taka að sér skil-
greind verkefni á vegum bæjarfélagsins.
Markmiðið með samningnum er að
renna enn styrkari stoðum undir íþrótta-
og æskulýðsstarfsemi á vegum HSV.
Verkefnin, sem héraðssambandinu eru
falin, eru af ýmsum toga, svo sem þrif
á fjörum, þrif eftir áramót, umsjón með
ýmsum verkefnum á Skíðaviku, umsjón
með knattspyrnusvæði, umsjón með
golfvöllum, vinna við 17. júní og fleira.
Ísafjarðarbær endurnýjar verkefnasamning við HSV
Halldór Halldórsson, bæjarstjóri Ísa-
fjarðarbæjar, og Jón Páll Hreinsson, for-
maður Héraðssambands Vestfirðinga,
við undirritunina. Mynd BB.
Úthlutað hefur verið 900 þúsund krón-
um úr Spretti, styrktarsjóði Alcoa Fjarðaáls
og Ungmenna- og íþróttasambands Aust-
urlands (UÍA), til þrettán umsækjenda.
Tveir afreksstyrkir voru veittir til einstakl-
inga upp á 100.000 krónur. Bjarni Jens
Kristinsson, skákmaður, og Helena Kristín
Gunnarsdóttir, blakkona, fengu þá. Að
auki var úthlutað iðkendastyrkjum, þjálf-
arastyrkjum og félagsstyrkjum. Úthlutað
var í tvennu lagi, annars vegar á Egils-
stöðum fyrir jól en vegna veðurs komst
hluti styrkþega ekki þangað. Því var önn-
ur úthlutun á Reyðarfirði í lok Fjórðungs-
glímu Austurlands.
Bjarni Jens Kristinsson er 18 ára skák-
maður, búsettur á Hallormsstað. Hann
varð nýverið Norðurlandameistari fram-
haldsskóla með sveit Menntaskólans í
Reykjavík og náði ágætum árangri á
heimsmeistaramóti unglinga í skák sem
fram fór í Tyrklandi í nóvember.
„Það má segja að styrkurinn úr Spretti
Ungmenna- og íþróttasamband Austurlands og Alcoa Fjarðaál:
Úthlutað úr styrktarsjóðnum Spretti
hafi komið mér til Tyrklands. Við þurftum
sjálf að borga stóran hluta ferðarinnar,
sem stóð í tvær vikur. Ég lít líka á styrkinn
sem hrós og það er gaman að vita að
aðrir taki eftir því sem maður er að gera,“
sagði Bjarni Jens Kristinsson.
Helena Kristín Gunnarsdóttir er 17
ára og spilar blak með Þrótti í Neskaup-
stað. Á árinu var hún valin efnilegasta
blakkona ársins fyrir utan að spila með
þremur landsliðum, U-17, U-19 og A-
landsliðinu, meðal annars á Smáþjóðaleik-
unum. Seinasta verkefni Helenu á árinu
var með U-17 ára landsliðinu í Danmörku
í vikunni fyrir jól en hún kom heim til
Neskaupstaðar á aðfangadag.
„Styrkurinn hjálpar mér að taka þátt í
fleiri verkefnum. Ég hef tekið þátt í þrem-
ur landsliðsverkefnum í ár og þetta kost-
ar mikið. Fjölskyldan hefur stutt mig og
án hennar hefði ég alls ekki getað þetta.
Styrkurinn gerir það að verkum að ég
þarf kannski ekki að leita alveg jafn mikið
til þeirra á næstunni,“ sagði Helena Kristín
Gunnarsdóttir.
Í sumar var endurnýjað samkomulag
Alcoa Fjarðaáls og UÍA um styrktarsjóð-
inn Sprett. Gerðar voru ákveðnar breyt-
ingar á forsendum sjóðsins. Hann er nú
einkum ætlaður til að styrkja íþróttaiðkun
barna og unglinga með einkunnarorð
Alcoa um afburði (excellence) að leiðar-
ljósi. Alcoa Fjarðaál sér um fjármögnun
sjóðsins en UÍA um skipulag og utanum-
hald. Aðilar skipa sameiginlega úthlutun-
arnefnd sem fer yfir umsóknir og úthlut-
ar úr sjóðnum.
Úr sjóðnum er úthlutað fjórum gerð-
um styrkja sem nánar er gerð grein fyrir
í úthlutunarreglum. Þetta eru afreks-
styrkir, iðkendastyrkir, þjálfarastyrkir og
félagastyrkir.
Stefnt er að því að til framtíðar verði
úthlutað úr sjóðnum tvisvar á ári en í ár
var aðeins ein úthlutun.
Landsbókasafn Íslands – Háskólabóka-
safn og Ungmennafélag Íslands skrifuðu
25. febrúar sl. undir samstarfssamning
sem miðar að því að vinna stafrænar
myndir af öllum tölublöðum Skinfaxa.
Nú þegar er hægt að nálgast öll tölublöð
Skinfaxa frá 1909 til 2008 með því að fara
inn á www.timarit.is.
Í tilefni af 100 ára afmæli Skinfaxa um
síðustu áramót ákvað stjórn UMFÍ að
farið yrði í samstarf við Landsbókasafn
Íslands – Háskólabókasafn um að skanna
inn öll tölublöð Skinfaxa frá upphafi og
til þessa dags. Þannig varðveitum við
þennan sögulega fjársjóð ungmenna-
félagshreyfingarinnar. Skinfaxi er rödd
hreyfingarinnar úti í þjóðfélaginu og því
nauðsynlegt að blaðið sjáist sem víðast.
Helga Guðrún Guðjónsdóttir, formaður
UMFÍ, og Ingibjörg Steinunn Sverris-
dóttir, landsbókavörður, handsala sam-
starfssamninginn í Þjóðarbókhlöðu.
Stafrænar myndir af öllum tölublöðum Skinfaxa