Skinfaxi - 01.02.2010, Blaðsíða 31
SKINFAXI – tímarit Ungmennafélags Íslands 31
Úr hreyfingunni
Ársþing UMSE að Hrafnagili:
Landsmótssjóður UMSE stofnaður
Ársþing Ungmennasambands Eyja-
fjarðar, UMSE, var haldið að Hrafnagili
laugardaginn 20. mars sl. Óskar Þór Vil-
hjálmsson var kjörinn formaður UMSE,
en fráfarandi formaður, Sigurður H.
Kristjánsson, gaf ekki kost á sér til endur-
kjörs. Þingið gekk vel fyrir sig, var fjölsótt
og umræður góðar. Björg Jakobsdóttir,
varaformaður Ungmennafélags Íslands,
sæmdi Kristínu Hermannsdóttur starfs-
merki UMFÍ.
Ýmsar tillögur voru samþykktar á þing-
inu. Ber þar helst að nefna að samþykkt
var að stofna verkefnasjóð fyrir hluta af
hagnaði af Landsmótinu. Þessi sjóður
mun bera nafnið Landsmótssjóður UMSE
2009. Þá voru samþykktar tvær reglu-
gerðir, önnur um veitingu heiðursviður-
kenninga og hin um lottóúthlutun. Sam-
þykktar voru einnig breytingar á tilhög-
un knattspyrnumóta UMSE og stjórn
falið að endurskoða reglur um Aldurs-
flokkamót UMSE í frjálsum íþróttum.
Eitt stærsta verkefnið á þessu ári verð-
ur framkvæmd Norðurlandamóts 19 ára
og yngri á Akureyri í samvinnu við UFA,
en mótið verður haldið í ágúst. Þá verður
Frjálsíþróttaskóli UMFÍ haldinn á Akureyri.
Stjórn UMSE skipa: Óskar Þór Vilhjálms-
son, formaður, Kristín Hermannsdóttir,
varaformaður, Anna Kristín Árnadóttir,
gjaldkeri, Kristlaug María Valdimarsdótt-
ir, ritari, og Jóhanna Gunnlaugsdóttir,
meðstjórnandi. Í varastjórn eru Sigurður
Bjarni Sigurðsson, Þorgerður Guðmunds-
dóttir og Birkir Stefánsson.
„Ég fékk hvatningu til að gefa kost á
mér til formennsku, en fram að því hafði
ég ekki komið nálægt starfinu hjá UMSE.
Aðkoma mín innan ungmennafélags-
hreyfingarinnar var áður innan ung-
mennafélagsins Þorsteins Svarfaðar. Mér
líst rosalega vel á þetta nýja starf og er í
raun mjög spenntur að takast á við það,“
sagði Óskar Þór Vilhjálmsson, nýkjörinn
formaður UMSE, í samtali við Skinfaxa.
Björg Jakobs-
dóttir, varafor-
maður UMFÍ,
til vinstri, veitti
Kristínu Her-
mannsdóttur
starfsmerki
UMFÍ.
Bók sem geymir sögu
Aftureldingar í 100 ár
Í tilefni af útgáfu Dagrennings, ald-
arsögu Ungmennafélagsins Aftureld-
ingar, var félagið með kvöldvöku að
gömlum sið. Þetta var önnur kvöld-
vakan af sex sem félagið hyggst halda
í vetur.
Fjölmenni var mætt í hátíðarsal
Lágafellsskóla þar sem lesið var úr
bókini og tónlist flutt. Í anda ung-
mennafélaganna var boðið upp á
pönnukökur og kakó. Bókin er hin
glæsilegasta.
Þeir sem áhuga hafa á að nálgast
bókina geta snúið sér til Gyðu, fram-
kvæmdastjóra Aftureldingar, í síma
566 7089 eða umfa@afturelding.is
Bjarki Bjarnason
Magnús Guðmundsson
DAGRENNINGUR
Aldarsaga Ungmennafélagsins Aftureldingar