Skinfaxi - 01.05.2010, Blaðsíða 13
SKINFAXI – tímarit Ungmennafélags Íslands 13
Friðrik Aspelund, formaður Ungmenna-
sambands Borgarfjarðar, segir mikið líf í
tuskunum og undirbúning allan á glimr-
andi siglingu.
„Það hefur gengið vel á öllum vígstöðv-
um og ég hef engar áhyggjur af því að við
klárum ekki hlutina á tilsettum tíma. Það
er virkilega gaman og ögrandi verkefni
fyrir héraðssambandið að standa í þess-
um undirbúningi og tvímælalaust góð
innspýting í félagsstarfið. Fólk er að vinna
saman og þegar nær dregur og fleiri fara
að koma að verður þetta allsherjar hátíð.
Það verður gaman og þetta á allt eftir að
ganga vel. Það verður engin hörgull á fólki
til að taka þátt í starfinu, allir eru tilbúnir
að leggja sitt af mörkum.“
Friðrik segir að þótt öll íþróttamann-
virki séu þegar til staðar þurfi að huga að
mörgu. Það þurfi að endurnýja öll tæki og
því séu mörg handtök eftir þótt íþrótta-
aðstaðan sé nú þegar í góðu standi.
„Við munum ráða við allt það sem
snertir undirbúninginn þrátt fyrir kreppu
Friðrik Aspelund, formaður Ungmennasambands Borgarfj arðar:
Mótið verður ekkert annað
en lyftistöng fyrir UMSB
því að við áttum fyrir flest það sem til þarf.
Þetta er góður skóli fyrir héraðssamband-
ið og þetta er stærsta mót sem við tökum
að okkur síðan við héldum Landsmót
1997. Það þýðir að við verðum að virkja
alla félaga okkar. Hingað til hefur verið
hægt að dreifa álaginu en núna þarf alla
sem vettlingi geta valdið. Fólki þykir
gaman að taka þátt í þessu verkefni og
það verður ekkert annað en lyftistöng
fyrir UMSB.“
– Er ekki mikil og góð stemning fyrir mót-
inu í byggðarlaginu?
„Jú, ég hef engan heyrt hallmæla þeirri
ákvörðun að halda mótið í Borgarnesi.
Það er almennt mjög góð stemning fyrir
mótinu. Ég er líka sjálfur sannfærður um
að þetta eigi allt saman eftir að ganga vel
og að allir verði ánægðir og glaðir þegar
upp verður staðið. Tjaldsvæðið og
umhverfi þess hefur verið í undirbúningi
í allt sumar en það verður tilbúið á réttum
tíma. Svæðið hefur ekki verið notað fyrir
tjöld síðan á Landsmótinu 1997. Við höf-
um því þurft að slá svæðið oft í sumar svo
að það líti vel út og verði tilbúið að taka á
móti gestum á mótinu. Það verður spenn-
andi þegar stóra stundin rennur upp.
Það verður mikil hátíð í Borgarfirði þessa
mótshelgi og við hlökkum til að taka á
móti gestum eins og við gerum alltaf
þegar gestir heimsækja okkur,“ sagði
Friðrik Aspelund, formaður Ungmenna-
sambands Borgarfjarðar.
Friðrik Aspelund,
formaður UMSB.