Skinfaxi - 01.05.2010, Blaðsíða 10
10 SKINFAXI – tímarit Ungmennafélags Íslands
Unglingalandsmót Borgarnesi:
„Það gengur allt samkvæmt áætlun. Það
er góður hugur í fólki og jákvæður tónn í
fólki alls staðar þar sem maður kemur. Við
hlökkum mikið til að takast á við þetta
stóra verkefni. Við erum með hörkuhóp í
undirbúningnum, en unglingalandsmóts-
nefndin er samansett af duglegu fólki hér
af svæðinu og eins frá UMFÍ. Við njótum
góðs af þeirri reynslu sem UMFÍ býr yfir í
þessum málum,“ sagði Björn Bjarki Þor-
steinsson, formaður unglingalandsmóts-
nefndar fyrir mótið í Borgarnesi, í spjalli
við Skinfaxa.
Björn Bjarki sagði að ekki þyrfti að ráð-
ast í neinar framkvæmdir fyrir mótið sjálft.
Hann sagði mótshaldara búa að þeim
mannvirkjum sem byggð voru fyrir Lands-
mótið 1997.
„Við þurfum reyndar að útbúa mótor-
krossbraut og höfum velt því fyrir okkur
hvar við ættum að finna henni stað. Við
höfum fundið lendingu í þeim efnum og
þetta er í raun stærsta einstaka fram-
kvæmdin sem við þurfum að ráðast í fyrir
mótið. Tjaldstæðin eru til staðar, en við
þurfum að snyrta þau og gera klár fyrir
Björn Bjarki Þorsteinsson, formaður unglingalandsmót snefndar:
Mótin hafa skapað sér
afar jákvæða ímynd
mótið. Skammur undirbúningur hefur
ekkert truflað okkur og við erum staðráð-
in í að halda gott mót. Allar aðstæður eru
til fyrirmyndar svo að okkur er ekkert að
vanbúnaði,“ sagði Björn Bjarki.
Aðspurður hvort eitthvað hefði komið
honum á óvart í undirbúningnum sagði
Björn Bjarki að hann gerði sér alltaf betur
grein fyrir hvað þetta væri í rauninni stórt
og spennandi verkefni. Hann sagði fjölda
þátttakenda hafa verið að aukast ár frá ári
sem sýni hvað mótið hefur jákvæða
ásýnd. Björn Bjarki sagði að um stórmót
væri að ræða og mun stærra en margur
gerir sér grein fyrir.
„Það er mikill hugur í Borgfirðingum
yfir höfuð og íbúum Borgarbyggðar. Við
fáum eingöngu jákvæð viðbrögð við því
að við skyldum ráðast í að taka þetta verk-
efni að okkur. Þetta gefur okkur bara víta-
mínsprautu, bæði hvað varðar að snyrta
bæinn okkar og ekki síst íþróttahreyfing-
unni hér á svæðinu. Við erum að taka að
okkur stórt og ögrandi verkefni sem verð-
ur ekkert annað en veganesti til framtíð-
ar,“ sagði Björn Bjarki.
– Hvað er Unglingalandsmótið í huga
þínum?
„Unglingalandsmót er fyrst og síðast
fjölskylduhátíð sem hefur verið fundin
þessi skemmtilega tímasetning, um
verslunarmannahelgi. Mótin eru afar
jákvæð, bæði fyrir íþróttalíf almennt og í
því að sameina fjölskylduna í íþróttaþátt-
töku barnanna. Í mínum huga hafa Ungl-
ingalandsmótin skapað sér afar jákvæða
ímynd.“
Björn Bjarki sagðist líta á Unglinga-
landsmótið sem góða kynningu.
„Ef vel tekst til fara gestir héðan með
jákvæðar minningar um Borgarnes og
Borgarbyggð. Við erum tilbúin að taka á
móti stórum hópi fólks og bregðumst við
þeim fjölda sem kemur. Í Skagafjörðinn
mættu í fyrra á bilinu 10–12 þúsund og
ég vona svo sannarlega að jafnstór hópur
sæki okkur heim um verslunarmanna-
helgina. Við eigum fyrir höndum skemmti-
lega helgi og ég ætla að vona að kepp-
endur og aðrir njóti þess svo innilega,“
sagði Björn Bjarki Þorsteinsson, formaður
unglingalandsmótsnefndar í Borgarnesi.
Við erum að
taka að okkur
stórt og ögr-
andi verkefni
sem verður
ekkert annað
en veganesti
til framtíðar