Skinfaxi - 01.05.2010, Blaðsíða 14

14 SKINFAXI – tímarit Ungmennafélags Íslands
Það eru margir sem mæta ár eftir ár á
Unglingalandsmót. Í þeim hópi er margt
af okkar fremsta frjálsíþróttafólki. Linda
Björk Valbjörnsdóttir, 18 ára gömul, frá
Sauðárkróki, hefur mætt á Unglingalands-
mót frá því að hún var tíu ára gömul. Þá
var mótið haldið í Stykkishólmi og sagði
Linda Björk að áhuginn hefði verið svo
mikill að hún hefði keppt upp fyrir sig.
„Ég hef keppt á öllum Unglingalands-
mótum frá tíu ára aldri ef undan eru skilin
mótin í Þorlákshöfn og heima á Sauðárkróki
í fyrra. Þá gat ég ekki verið með vegna
meiðsla. Ég stefni að því að mæta á mótið í
Borgarnesi í sumar. Þetta eru tvímælalaust
langskemmtilegustu mótin sem ég tek þátt
í. Þarna hittir maður gamla vini sem hafa
mætt á mörg mót í gegnum tíðina. Ungl-
ingalandsmótin vekja upp skemmtilegar
minningar og þó að ég gæti ekki tekið þátt
þá myndi ég alltaf mæta,“ sagði Linda Björk
Valbjörnsdóttir í samtali við Skinfaxa.
Linda Björk segir að mótin séu í sínum
huga mikil hvatning og frábær fjölskyldu-
hátíð. Þessi mót hafa svo sannarlega hitt í
mark að hennar mati.
Linda Björk hefur stundað nám við
Menntaskólann á Akureyri síðustu ár, en nú
Unglingalandsmót Borgarnesi:
Skemmtilegustu mótin
sem ég tek þátt í
hefur hún ákveðið að koma suður svo að
hún geti æft við bestu aðstæður sem í boði
eru hér á landi.
„Ég ætla að koma suður og setjast á skóla-
bekk í MK. Aðstæður til frjálsíþróttaiðkana
draga mig suður. Það er frábært að komast
á æfingar í frjálsíþróttahöllina og inn á
Laugardalsvöllinn. Ég hef mikinn metnað og
ætla mér að ná eins langt og ég get í frjáls-
um íþróttum. Þetta er það skemmtilegasta
sem ég geri,“ sagði Linda Björk en aðalgrein-
ar hennar eru spretthlaup og grindahlaup.
Linda Björk Valbjörnsdóttir frá Sauðárkróki:
Linda Björk á Íslandsmetið í meyjaflokki í
300 metra grindahlaupi og meyja- og stúlkna-
metið í 400 metra grindahlaupi. Þetta er
stúlka sem á sannarlega framtíðina fyrir sér
á hlaupabrautinni.
Linda Björk á Heimsleikum unglinga í
Gautaborg 2008 eftir að hún setti Íslands-
met í 300 m grindahlaupi meyja 15–16 ára.
Linda Björk,
10 ára, með
fyrsta verð-
launapening-
inn á Unglinga-
landsmótinu í
Stykkishólmi.
Á góðar minningar frá
Unglingalandsmótum
Sveinborg Katla Daníelsdóttir 14 ára úr UMSE:
Sveinborg Katla Daníelsdóttir hefur
verið dugleg að sækja Unglingalands-
mót UMFÍ, en í ár tekur hún þátt í mótinu
fimmta árið í röð. Fyrsta mótið hennar
var á Laugum í Reykjadal 2006. Svein-
borg Katla, sem er 14 ára og keppir undir
merkjum Ungmennasambands Eyjafjarð-
ar, er, þrátt fyrir ungan aldur, í hópi efni-
legustu frjálsíþróttamanna landsins og
verður gaman að fylgjast með henni í
framtíðinni.
Sveinborg Katla sagðist samtali við Skin-
faxa vera farin að hlakka mikið til Unglinga-
landsmótsins í Borgarnesi og að þetta væru
ein skemmtilegustu mótin sem hún tæki
þátt í. Stemningin væri einstök, mikið væri
í boði og gaman að hitta krakkana. Aðal-
grein Sveinborgar Kötlu er stangarstökk.
„Ég byrjaði að æfa þegar ég var í 2. bekk.
Ég fékk strax mikinn áhuga á frjálsum íþrótt-
um, en foreldrar mínir hvöttu mig áfram. Ég
einbeitti mér fljótlega að stangarstökkinu
sem mér finnst afar skemmtileg og spenn-
andi grein. Ég æfi svona í kringum fjórum
sinnum í viku og ætla mér að ná eins langt
og ég get. Fyrirmynd mín í stangarstökkinu
er hin rússneska Isibayeva, en ég horfi alltaf
á stórmótin þegar þau eru sýnd í sjónvarp-
inu,“ sagði Sveinborg Katla.
– Svo að þú átt skemmtilegar minningar frá
Unglingalandsmótunum?
„Svo sannarlega. Þetta eru einstök mót
og ég hlakka mikið til að mæta í Borgarnes.
Ég á góðar minningar frá þessum mótum
og er viss um að mótið í Borgarnesi á eftir
að verða frábært,“ sagði Sveinborg Katla,
hress í bragði.
Sveinborg Katla í grindahlaupi.
Á forsíðu Skinfaxa er mynd
af henni í stangarstökki.