Skinfaxi - 01.05.2010, Blaðsíða 9

SKINFAXI – tímarit Ungmennafélags Íslands 9
„Mótið leggst afar vel í okkur og við erum
mjög ánægð með að fá tækifæri til að
halda Unglingalandsmótið í Borgarnesi.
Verkefnið er mjög áhugavert og menn
hér búa að ákveðinni reynslu í því að
standa fyrir stórmótum. Eins og flestir
vita héldum við Landsmót hér 1997.
Félagar í Ungmennasambandi Borgar-
fjarðar fengu þar góða reynslu og það
nýtist okkur heldur betur í undirbúningn-
um núna. Auðvitað bar þetta brátt að,
að við fengum að halda Unglingalands-
mótið, en við teljum okkur fyllilega í stakk
búin til að valda þessu verkefni,“ sagði
Páll Brynjarsson, sveitarstjóri í Borgar-
byggð, í spjalli við Skinfaxa. Páll sagði
það mjög jákvætt fyrir sveitarfélögin að
halda þetta mót. Þetta væri skemmtilegt
verkefni fyrir íbúa sveitarfélagsins að
takast á við. Hann sagðist því skilja vel
að sveitarfélögin vilji gjarnan taka að
sér svona mót. Reynsla þeirra sem hafa
haldið Unglingalandsmót er mjög góð.
– Nú hefur verið mikil íþróttahefð í Borgar-
nesi í gegnum tíðina.
„Já, hér hefur verið mikil íþróttahefð.
Við höfum verið í svolítilli lægð núna en
flaggskipið okkar hefur verið körfubolt-
inn og við vorum lengi í efstu deild. Stað-
an er núna sú að við leikum í næstefstu
deild og það mun ekki líða langur tími
þangað til að við verðum komnir aftur í
hóp þeirra bestu. Það er mikil gróska í
unglingastarfi í knattspyrnu og öðrum
íþróttagreinum þannig að framtíðin er
björt.“
– Aðstaðan í Borgarnesi á ekki að aftra
mönnum frá því að ná árangri.
„Hún er afar góð. Við eigum glæsileg-
an íþróttaleikvang og inniaðstaðan er
ágæt. Það má því segja að við búum við
góðar aðstæður. Við höfðum séð það
undanfarið að ungum krökkum, sem
stunda íþróttir, fjölgar mjög í boltagrein-
um en ég sé ekki annað en að við séum
ennfremur að bæta við okkur í öðrum
íþróttagreinum. Það er mjög jákvætt í
alla staði,“ sagði Páll.
– Hefur ekki mikið gildi fyrir sveitarfélög að
fá til sín mót á borð við Unglingalandsmót-
ið og er ekki eftir töluverðu að slægjast?
„Það hefur heilmikið gildi. Í fyrsta lagi
má nefna að íbúarnir taka þátt í svona
verkefnum af miklum krafti. Mönnum
gefst tækifæri til að fegra bæinn og við
viljum sýna okkar bestu hliðar þegar við
tökum á móti stórum hópi fólks eins og
mun koma til okkar. Það er jákvætt að
taka á móti gestum og það fylgir Ungl-
ingalandsmótunum. Menn hafa nýtt sér
þessi mót til að efla og styrkja íþrótta-
aðstöðuna. Við búum vel í þeim efnum
en erum núna að snyrta og lífga upp á
aðstöðuna hjá okkur. Ef vel tekst til styrk-
ir þetta ímynd þeirra staða sem taka að
sér svona mót. Síðast en ekki síst þá er
þetta mjög gott fyrir íþróttahreyfinguna
á svæðinu og verður væntanlega til þess
að styrkja hana mikið,“ sagði Páll. Hann
sagði tilhlökkun mikla í sveitarfélaginu.
„Fólki finnst þetta áhugavert og spenn-
andi verkefni og maður fann strax fyrir
miklum áhuga þegar ákveðið var að
halda mótið hér í Borgarnesi.“
– Hefur þú farið á Unglingalandsmót?
„Ég fylgdist að hluta til með Unglinga-
landsmótinu á Sauðárkróki í fyrrasumar.
En fyrir mörgum árum fór ég sem þjálfari
á Unglingalandsmótið sem haldið var á
Blönduósi. Þá var ég knattspyrnuþjálfari
í Skagafirði en síðan þá hefur orðið mikil
breyting á mótinu. Ég sá það á mótinu í
fyrra að keppendum og gestum hefur
fjölgað gríðarlega. Mótið á Sauðárkróki í
fyrra var glæsilegt og mótshöldurum til
sóma. Mér finnst þetta kærkomið tæki-
færi fyrir ungt fólk og fjölskyldur til að
geta verið saman um verslunarmanna-
helgi á svona íþróttahátíð eins og Ungl-
ingalandsmótin eru,“ sagði Páll Brynjars-
son, sveitarstjóri Borgarbyggðar, í spjall-
inu við Skinfaxa.
Páll Brynjarsson, sveitarstjóri Borgarbygg ðar:
Kærkomið tækifæri fyrir ungt fólk
og fjölskyldur til að vera saman
UMSB hélt glæsilegt Landsmót 1997
Ungmennasamband Borgarfjarðar býr
yfir góðri reynslu í að halda stórmót, en
1997 hélt sambandið 22. Landsmót UMFÍ.
Uppbygging, sem fór þá fram, kemur
að góðum notum fyrir 13. Unglinga-
landsmót UMFÍ sem haldið verður um
verslunarmannahelgina.
UMSB hélt mótið dagana 3.– 6. júlí
1997. Keppendur voru 1486, frá 28 sam-
bandsaðilum UMFÍ, en sýningarhópar
töldu 229 manns.
Keppnin hófst á fimmtudegi og 14
íþróttagreinar voru í boði til stiga á mót-
inu. Það voru frjálsar íþróttir, glíma, sund,
starfsíþróttir, knattspyrna, körfubolti, hand-
bolti, blak, borðtennis, bridds, fimleikar og
skák. Nýjar keppnisgreinar voru golf og
hestaíþróttir en sýningargreinar voru æsku-
hlaup og íþróttir fatlaðra.
Forseti Íslands, Ólafur Ragnar Grímsson,
ávarpaði samkomuna og einnig heiðurs-
gestur mótsins, íþróttagarpurinn Vilhjálmur
Einarsson. Nýtt atriði var að Björk Ingimund-
ardóttir tendraði landsmótseld sem logaði
meðan mótið stóð yfir. Íris Grönfeldt frjáls-
íþróttakona ávarpaði mótið fyrir hönd
íþróttafólks. Þá voru ýmis skemmtiatriði svo
sem kórsöngur, fimleikasýningar og þjóð-
dansar. Á laugardeginum rigndi töluvert
en sólin skein á sunnudeginum. Aðgang-
ur að mótinu var ókeypis og heildarfjöldi
mótsgesta er talinn hafa verið um 7.000
manns.
HSK sigraði í heildarstigakeppninni með
1552,5 stig, UMSK var í öðru sæti með
1357,25 stig og í þriðja sæti voru heima-
menn með 848 stig. Stigahæstu keppend-
ur voru sundkapparnir Arnar Freyr Ólafs-
son HSK og Eydís Konráðsdóttir Keflavík
og frjálsíþróttakapparnir Jón Arnar
Magnússon UMSS og Sunna Gestsdóttir
USAH, öll með fullt hús eða 30 stig.
Unglingalandsmót Borgarnesi: