Skinfaxi - 01.05.2010, Blaðsíða 12
12 SKINFAXI – tímarit Ungmennafélags Íslands
Unglingalandsmót Borgarnesi:
Indriði Jósafatsson, íþrótt a- og æskulýðsfulltrúi Borgarbygg ðar:
Allir eru samstíga í þessu verkefni
Indriði Jósafatsson er
íþrótta- og æskulýðsfulltrúi
í Borgarbyggð og af því
leiðir að hann er forstöðu-
maður mannvirkja sveitar
félagsins sem tengjast
íþrótta- og æskulýðsmálum. Indriði segir
allan undirbúning fyrir mótið hafa gengið
samkvæmt áætlun og hefur verið unnið
að því að gera íþróttamannvirkin klár fyrir
mótið.
„Við fórum strax í mikla viðhaldsvinnu
á mannvirkjum sem eru til staðar í bæn-
um. Inngangur í sundlaugina og böð
hafa verið tekin í gegn. Ennfremur hafa
stúkubekkirnir í íþróttahúsinu verið slíp-
aðir og merkingar á íþróttavellinum hafa
verið skerptar. Við ætlum að koma vellin-
um í flott ástand fyrir þetta mót. Við feng-
um sérstakan styrk í formi atvinnuátaks á
vallarsvæðinu og nýtum okkur þetta átak
með því að láta fleiri hendur koma að því
verki,“ sagði Indriði.
Indriði sagði unnið að því hörðum
höndum að ljúka hinum og þessum verk-
efnum en að mörgu væri að hyggja.
„Aðalmálið er að hér verði fallegur
bær og allir verði gestrisnir og að allir
verði búnir að vinna heimavinnuna sína
áður en landsmenn mæta á mótið. Það
er mjög gaman og gefandi að standa í
þessu. Allir eru samstíga um að taka þátt
í þessu verkefni. Það er vonandi að um-
ferðin eigi eftir að ganga vel í gegnum
bæinn og að veðurguðirnir verði okkur
hliðhollir. Tjaldstæðamál eiga líka eftir
að verða í góðu lagi. Íþróttamannvirkin
voru gerð fyrir Landsmótið 1997 þannig
að ekki hefur þurft að ráðast í stórar
framkvæmdir fyrir Unglingalandsmótið.
Það er fremur verið að laga og fínpússa.
Við notum það sem fyrir er og lögum
skipulagið að þeim aðstæðum sem fyrir
eru. Þegar menn taka svona verkefni
að sér með tiltölulega stuttum fyrirvara
verður að spila úr því sem til er. Það er
styrkur okkar hvað við erum vel sett hvað
íþróttamannvirki áhrærir. Vegalengdir
á milli staða eru stuttar sem er mjög
góður kostur. Allir bæjarbúar eru fullir
tilhlökkunar og við ætlum að taka vel
á móti fólki,“ sagði Indriði Jósafatsson,
íþrótta- og æskulýðsfulltrúi Borgar-
byggðar, í samtali við Skinfaxa.
Gleðilegtsumar
Hafðu samband