Skinfaxi - 01.08.2010, Blaðsíða 6

6 SKINFAXI – tímarit Ungmennafélags Íslands
Skinfaxi 3. tbl. 2010
Ritstjóri: Jón Kristján Sigurðsson.
Ábyrgðarmaður: Helga Guðrún
Guðjónsdóttir, formaður UMFÍ.
Ljósmyndir: Jón Kristján Sigurðsson,
Ómar Bragi Stefánsson, Þorsteinn
Eyþórsson, Guðmundur Karl Sigurdórs-
son, Geir Guðsteinsson, Ásdís Helga
Bjarnadóttir, Skessuhorn/Stefán Ingvar
Guðmundsson (knattspyrnulið Víkings
Ólafsvík) o.fl.
Umbrot og hönnun: Indígó.
Prentun: Prentmet.
Prófarkalestur: Helgi Magnússon.
Auglýsingar: Miðlun ehf. og
Gunnar Bender.
Ritnefnd:
Gunnar Gunnarsson, Kristín Hálfdánar-
dóttir og Óskar Þór Halldórsson.
Skrifstofa UMFÍ/Skinfaxa:
Þjónustumiðstöð UMFÍ,
Sigtúni 42, 105 Reykjavík.
Sími: 568-2929
Netfang: umfi@umfi.is
Heimasíða: www.umfi.is
Starfsmenn UMFÍ:
Sæmundur Runólfsson, framkv.stjóri,
Alda Pálsdóttir, skrifstofustjóri,
Helgi Gunnarsson, fjármálastjóri,
Jón Kristján Sigurðsson, ritstjóri Skinfaxa
og kynningarfulltrúi,
Sigurður Guðmundsson, landsfulltrúi,
Ómar Bragi Stefánsson, landsfulltrúi,
með aðsetur á Sauðárkróki,
Kristín Sigurðardóttir, verkefnið
Göngum um Ísland.
Stjórn UMFÍ:
Helga Guðrún Guðjónsdóttir, formaður,
Björg Jakobsdóttir, varaformaður,
Björn Ármann Ólafsson, gjaldkeri,
Örn Guðnason, ritari,
Einar Haraldsson, meðstjórnandi,
Eyrún Harpa Hlynsdóttir, meðstjórnandi,
Garðar Svansson, meðstjórnandi,
Ragnhildur Einarsdóttir, varastjórn
Haraldur Þór Jóhannsson, varastjórn,
Gunnar Gunnarsson, varastjórn,
Einar Kristján Jónsson, varastjórn.
Forsíða:
Frá setningu 13. Unglingalandsmóts
UMFÍ í Borgarnesi í sumar. Trausti Eiríksson
tendrar landsmótseldinn. Honum til
aðstoðar eru Elvar Kristjánsson og Davíð
Freyr Bjarnason.
Það eru allir sammála um að
framkvæmd Unglingalandsmóts-
ins í Borgarnesi hafi gengið með
afburðum vel. Allt lagðist á eitt til
þess að gera þetta mót þannig úr
garði að allir voru sáttir þegar upp
var staðið. Aðstæður voru með
þeim hætti að öllum leið vel á mót-
inu. Veðurguðirnir léku á als oddi
mótsdagana, veður var milt og sólin
skein glatt lengst af. Varla er hægt
að hugsa sér betri umgjörð. Þeir,
sem lögðu leið sína á mótið, munu
minnast þess með hlýjum hug.
Framkvæmdaaðilar í Borgarnesi
fengu ekki langan tíma til undirbún-
ings en það létti undir að allar aðstæð-
ur í Borgarnesi eru mjög góðar. Upp-
bygging þeirra fór talsvert fram í
kringum Landsmótið sem haldið
var þar í bæ 1997. Engu að síður
krefst það góðrar skipulagningar að
halda mót sem þetta sem er orðið
mikið að umfangi. Það leystu heima-
menn vel af hendi, skipulögðu vinnu
sína með skynsamlegum hætti og
uppskeran var eftir því. Þetta var frá-
bært mót í alla staði og allir
skemmtu sér hið besta.
Metþátttaka var í Unglingalands-
mótinu en skráningar voru rúmlega
1700. Eins og áður sagði bar það
brátt að, að Borgnesingar fengu að
halda mótið. Á daginn kom að þeir
voru fyllilega í stakk búnir til þess,
með góðum stuðningi sveitarfélags-
ins. Heimamenn bjuggu ennfremur
yfir góðri reynslu frá Landsmótinu
frá því fyrir þrettán árum sem kom
að góðum notum. Glæsileg frjáls-
íþróttaaðstaða er fyrir hendi sem
og önnur aðstaða til keppnishalds.
Íbúar Borgarbyggðar lögðu líka
fram sinn skerf í undirbúningnum
sem var eftirtektarverður. Setningar-
athöfnin var glæsileg sem og öll
umgjörð hennar. Keppendur gengu
fylktu liði inn á íþróttaleikvanginn
og áhorfendur fylltu brekkuna í
fallegu kvöldveðri. Síðan tók við
keppni og allir skemmtu sér vel.
Árangur í mörgum greinum var
athyglisverður og mörg unglinga-
landsmótsmet voru slegin. Upp-
bygging íþróttaaðstöðu í tengslum
við Unglingalandsmótin á undan-
förnum árum hefur svo sannarlega
skilað sér. Á það eftir að koma enn
betur í ljós þegar fram líða stundir.
Unglingalandsmótin eru fyrst og
fremst fjölskylduhátíð sem hefur
verið fundin þessi skemmtilega tíma-
setning um verslunarmannahelgina.
Mótin hafa sannað gildi sitt með afar
jákvæðum hætti hvað almennt
íþróttalíf snertir og jafnframt í því
að sameina fjölskylduna á þessari
stærstu ferðamannahelgi ársins.
Talið er að 10–12 þúsund manns hafi
sótt mótið og allt fór vel fram. Allir
gengu vel um og snyrtimennska
fólks var áberandi góð. Umferðin í
gegnum bæinn gekk vel og tillits-
semin var einstök. Bærinn skartaði
sínu fegursta í einstakri veðurblíðu.
Mótinu var slitið með veglegri
flugeldasýningu. Það er von mín að
keppendur og gestir hafi átt góðar
stundir í Borgarnesi og eigi eftir að
minnast dagana á mótinu með hlýj-
um hug. Borgfirðingar geta borið
höfuðið hátt en framkvæmd móts-
ins var þeim til sóma. Unglinga-
landsmótin hafa skapað sér stóran
sess og munu halda honum um
ókomin ár. Við getum farið að
hlakka til næsta móts sem verður á
Egilsstöðum 2011.
Frjálsíþróttaskóli UMFÍ gekk vel í
sumar en þetta var þriðja sumarið í
röð sem hann var starfræktur. Skól-
inn var haldinn á fimm stöðum víðs
vegar um landið. Þátttaka var góð
og er ljóst að þetta verkefni hefur
sannað gildi sitt.
Verkefninu Hættu að hanga!
Komdu að hjóla, synda eða ganga!
var ýtt úr vör í snemma í sumar og
því lauk formlega um miðjan sept-
ember. Verkefnið gekk vel og var
þátttakan góð.
Meistaraflokkur karla í Breiðabliki
hampaði Íslandsmeistaratitlinum í
knattspyrnu í fyrsta skipti í sögu
félagsins í haust. Þetta er frábær
árangur hjá þessu unga liði sem á
svo sannarlega framtíðina fyrir sér.
Gerpla náði þeim einstaka árangri
í október að verða Evrópumeistari í
hópfimleikum. Stúlkurnar sýndu
mikið öryggi og sigruðu að lokum
með yfirburðum.
Jón Kristján Sigurðsson
ritstjóri
Framkvæmd Unglingalandsmótsins
Borgfi rðingum til mikils sóma
Við setningu 13. Unglingalandsmóts
UMFÍ í Borgarnesi í sumar tilkynnti formað-
ur UMFÍ, Helga Guðrún Gujónsdóttir, að á
stjórnarfundi UMFÍ í júní hefði verið ákveð-
ið að HSK fengi mótið 2012 með Selfoss
sem mótsstað. Auk Selfoss sóttu UMSE
og UFA, með Akureyri sem mótsstað, og
USÚ, með Hornafjörð sem mótsstað, um
að halda umrætt mót.
Eins og flestum er kunnugt verður 27.
Landsmót UMFÍ haldið á Selfossi 4.–7. júlí
2013. Þar sem 15. Unglingalandsmótið
verður haldið á Selfossi 2012 verða því tvö
stórmót ungmennafélaganna á Selfossi
með árs millibili. Í haust var skipuð sérstök
framkvæmdanefnd landsmóta á Selfossi.
Sömu einstaklingar skipa unglingalands-
15. Unglingalandsmót UMFÍ
verður haldið á Selfossi 2012
mótsnefnd 2012 og landsmótsnefnd 2013.
Þess má geta að 14. Unglingalandsmót UMFÍ
verður haldið á Egilsstöðum 2011.
Framkvæmda-
nefnd lands-
móta á Selfossi.