Skinfaxi - 01.08.2010, Blaðsíða 17
SKINFAXI – tímarit Ungmennafélags Íslands 17
Íris Björg Sigmarsdóttir og
fjölskylda hennar hafa farið
á fimm Unglingalandsmót:
„Við fjölskyldan fórum á okkar fyrsta
Unglingalandsmót 2006 á Laugum í Þing-
eyjarsýslu. Við bjuggum mörg ár í Dan-
mörku en þegar heim var komið og við
uppgötvuðum mótið var ekkert annað að
gera en að skella sér á fyrsta mótið með
elsta strákinn okkar. Mér þykir alltaf jafn-
gaman að fara á Unglingalandsmót og
krakkarnir skemmta sér vel og hafa ofsa-
lega gaman af að fara. Systkini þess elsta
hafa ekki ennþá aldurinn til keppa en það
er alltaf prógramm í gangi fyrir þau. Mér
finnst bara rosalega fínt að vita hvert ég
fari alltaf um verslunarmannahelgar,“ sagði
Íris Björg Sigmarsdóttir úr Borgarnesi í sam-
tali við Skinfaxa en þar var hún innt eftir
þátttöku fjölskyldu sinnar á Unglinga-
landsmótum UMFÍ.
Íris sagði að yngri strákurinn hennar
hefði aldur til að taka þátt í Unglinga-
landsmóti á næsta ári. Eldri sonurinn
keppir orðið mikið í dansi, var áður í frjáls-
um íþróttum, en dansinn hefur nú tekið
völdin. Íris sagði því allar líkur á því að
þau verði með drengina í keppni á næsta
Unglingalandsmóti.
Einstök stemning á mótinu
„Það er ekki dýrt fyrir fjölskylduna að
fara á Unglingalandsmót. Það er mikið
prógramm í gangi fyrir alla sem er afar
mikilvægt í huga okkar. Mótin eru að mínu
mati ekki síst mikil forvörn fyrir ungling-
ana. Á meðan þeir fara á þessi mót fara
þeir ekki annað. Það er líka gaman að mót-
in eru haldin á mismunandi stöðum á
landinu þannig að maður er alltaf að sjá
og fara á nýja staði um hverja verslunar-
mannahelgi. Mér finnst það bara í alla
staði mjög skemmtilegt að fara á Unglinga-
landsmót með fjölskylduna,“ sagði Íris.
Hún bætti við að stemningin á tjald-
svæðunum væri einstök og gaman væri
líka að sækja uppákomur í stóra tjaldinu
með krökkunum á kvöldin.
Búið að ákveða fyrir
okkur hvert á að fara
Unglingalandsmót er ódýr
kostur fyrir fjölskylduna
„Þessi mót ná tilgangi sínum hvernig
sem á það er litið. Nú er kreppa eins og
allir vita og að fara á Unglingalandsmót er
ekki dýr kostur fyrir fjölskylduna. Við erum
full tilhlökkunar fyrir næsta mót. Við þurf-
um ekki að setjast niður og spá í það hvert
eigi að fara, það er búið að ákveða það fyrir
okkur. Ég var aðeins að vinna við mótið í
Borgarnesi en ég held að flestir séu sam-
mála um að það mót hafi gengið vel,“
sagði Íris Björg í samtali við Skinfaxa.
Íris Björg Sigmarsdóttir, ásamt eiginmanni
sínum, Ómari Péturssyni, og börnunum
Sigmari Aron, Pétri Snæ og Unni Björg.
Sigmar Aron
Ómarsson, sonur
Írisar, keppti í
dansi, ásamt
Maren Jónasdótt-
ur, á Unglinga-
landsmótinu í
Borgarnesi.
F
M
BS