Ægir - 01.07.1951, Blaðsíða 49

Æ G I R
197
Stjórn Olíusamlagsins skipa: Arngrimur
Fr. Bjarnason, Kjartan J. Jóhannsson og
Rirgir Finnsson.
Isfirzk útgerðarfélög og útgerðarmenn
hafa fullan hug á því að gera samvinnu
&ína víðtækari og öflugri. Ætlun þeirra var
að stofna og starfrækja fiskiðjusamlag, er
hafa skyldi með höndum margvíslega og
sem fullkomnasta hagnýtingu aflans. Bæj-
arstjórn ísafjarðar ákvað að verða þátt-
takandi í þessu fyrirtæki, sem ætlaður hef-
ur verið staður á nýju hafnaruppfylling-
unni í Neðstakaupstað. Framkvæmdir þess-
ar strönduðu á því, ekki fékkst nægilegt
fjármagn til þeirra. En þær verða vafalaust
teknar upp aftur í sama eða breyttu formi
strax og ástæður leyfa.
Með hafnarumbótum þeiin, sem nú eru
langt á veg komnar, hefur ísafjörður feng-
ið ágæta aðstöðu til þess að geta tekið á
uióti afla af skipum þeim, sem veiðar
stunda úti fyrir Vestfjörðum norðanvert.
Rlómaskeið ísafjarðar byggðist á útgerð og
saltfiskverkun, og hið nýja blómaskeið
höfuðstaðar Vestfjarða verður einnig að
kyggjast á útgerð og l'iskvinnslu og fisk-
verkun eins og nútíminn heimtar. ísfirð-
mgar eiga myndarlegan vélbátaflota og
einn togara, Isborg, og vinna nú að því að
fá einn af nýjustu togurunum.
Það er því brýn nauðsyn fyrir fiskveiði-
flotann heima fyrir að fá sem fyrst að-
stöðu til þess að gera afla sinn sem verð-
uiætastan, þetta er líka sameiginleg nauð-
syn fyrir íslenzk fiskiskip, stærri og
sniærri, sem veiðar stunda út af ísafjarð-
ardjúpi og þar í grennd. Þegar slík aðstaða
er fengin, mun ísafjörður verða blómlegur
bær á ný og gegna sinu þýðingarmikla
hlutverki með því að flytja mikla björg í
hjóðarbúið.
Arngr. Fr. Bjarnason.
Skip í smíáum í janúar 1951.
Eftirfarandi tafla sýnir, hve mörg j og
hve stór skip voru í smíðum í janúar 1951.
Enn fremur sýnir taflan, hve stóran hundr-
aðshluta af heildinni hvert land smíðar.
Skip, sem minni eru en 1000 rúmlestir,
eru ekki talin með og að sjálfsögðu engin
skip, sem ætluð eru til hernaðar.
Það helzta, sem séð verður af þessu, er
að Svíar færast 1 aukana með skipasmiði
og mest af rúmlestatölunni er smiðað i
einum bæ, það er i Gautaborg. Norðmenn
virðast nú smíða meira af skipum en áður,
þó er þetta ekki nema lítill hluti af lesta-
töluaukningu þeirra, hitt er smíðað liingað
og þangað.
Svo eru Danir og Hollendingar, sem
hvorki hafa innlenda orku né hráefni, en
smíða þó mikið af skipum miðað við fólks-
fjölda landanna. Bæði löndin eru þó akur-
yrkjulönd.
Japanir smíða mikið af skipum, enda
kemst enginn keppinautur þeirra nálægt
þeim, hvað lágt verðlag snertir.
Bretar standa í stað, en hafa þó áður
komizt upp í það að smíða helming þeirra
skipa, sem framleidd voru.
Fjöldi Rúmlestatala %
Bretland . .. . . 365 3 271 572. 41.4
Svíþjóð . 129 1 043 180 13.2
Japan 72 449 542 5.7
Holland 54 448 007 5.7
Þýzkaland . 115 445 274 5.6
Frakkland .. 68 424 970 5.4
Bandaríkin .. 29 406 070 5.1
Ítalía 43 381 238 4.8
Noregur 60 327 841 4.1
Danmörk . . . 47 289 832 3.7
Kanada 11 115 870 1.5
Belgía 20 114 340 1.4
Spánn . 25 112 402 1.4
Ástralia 14 54 290 0.7
Finnland .... 5 8 750 0.2
írland 1 1 300 0.1
Samtals 1 058
7 894 478 100.0