Ægir - 01.01.1980, Page 16

rafmagnsvita, en setur í staöinn gaslýsingu. Það er
skref sem er langt afturábak, ef til vill verður
Galtarviti næstur.
Ef skoðað er kort af vitum landsins sést að sú
keðja er víða slitin svo sem á Kögri. Ég minnist
þess að fyrir mörgum árum var gerð samþykkt
annað hvort á Fiskiþingi eða þingi F.F.S.Í. um að
athuga með vitastæði þar, en að því er ég best veit
hefur ekkert verið gert.
Þau vitalög sem í gildi eru, eru frá árinu 1936,
þar segir að sérstök Vitanefnd skuli vera starfandi,
í þeirri nefnd á fiskimálastjóri að eiga sæti meðal
annarra, ég get ekki betur séð en sú nefnd sé óvirk
með öllu, heldur er hún höfð sem skrautíjöður
sem ekki hefur verið kölluð saman síðustu 5 árin.
Það eru geðþóttaákvarðanir vitamálastjóra og
verkfræðings hjá vitamálastofnun sem stjórna þeirri
stefnu sem ríkir í vitamálum og ekkert tillit tekið
til samþykkta og ábendinga Fiskiþinga og þinga
F.F.S.Í. Það verður að gera allt sem unnt er, til
að ná fram breytingum til hins betra.
Leiðsögubækur fyrir sjófarendur við íslands-
strendur hafa verið ófáanlegar í mörg ár, og tel ég
það brýnt að Sjómælingar íslands vinni bráðan bug
að því að gefa bækurnar út að nýju.
Hver hefur orðið framgangur samþykkta 37.
Fiskiþings um öryggismál? Því miður held ég að hann
sé mjög lítill: 8 af 12 atriðum sem þar eru nefnd
er vísað beint eða óbeint til siglingamálastjóra,
það væri fróðlegt fyrir þingfulltrúa að fá að vita
hvaða framgang þessi mál hafa fengið.
Eftir því sem ég best veit, er það einungis eitt
mál, þ.e.a.s. 7. liður: Fiskiþing ítrekar tilmæli að
hástokkar og stýrishús smábáta skuli málaðir
orange rauðum lit.
Þrátt fyrir að fátt hafi náð fram að ganga af
samþykktum 37. Fiskiþings um öryggismál þýðir
það ekki að við eigum að gefast upp. Það hefur
verið eitt af meginmálum Fiskiþinga liðinna ára-
tuga, að álykta um öryggismál sjómanna og benda
ráðamönnum þjóðarinnar á hvar betur mætti fara
og hvar nauðsyn væri breytinga.
Ég tel að halda eigi áfram með öll þau mál sem
ekki hafa fengið framgang frá síðast þingi. Og til
viðbótar.
1. Að skora á hæstvirtan samgönguráðherra að
beita sér nú þegar fyrir því að allir gúmíbjörg-
unarbátar verði pakkaðir í fíberglashylki.
2. Að beina þeim óskum til stjórnvalda að þau
sjái sér fært að veita á fjárlögum fé til aðkall-
andi endurbóta og uppbyggingar strandstöðva svo
að Póst- og símamálastofnun geti fullnægt þeim
kröfum sem til hennar eru gerðar með lögum
nr. 40 13. maí 1977.
3. Að beina þeim eindregnu tilmælum til Veður-
stofu íslands að hún láti strandstöðvar og útvarp
tilkynna stormviðvaranir tafarlaust þegar við á.
4. 38. Fiskiþing ályktar að sú ákvörðun sjávar-
útvegsráðuneytis að svifta netabáta veiðileyfum
ef fyrir kemur að þeir færi að landi lélegt hráefni
geti verið hættulegt og stuðlað að sjósókn í vara-
sömum veðrum. Því beinir þingið því til við-
komandi stjórnvalda að slíkri refsingu verði ekki
beitt að óathuguðu máli, því gætileg sjósókn á
vetrarvertíð geti né megi í engum tilfellum vera
refsiverð.
5. 38. Fiskiþing skorar á Ríkisútvarpið að taka á
ný upp útsendingu nákvæmra tímamerkja a.m.k.
einu sinni á sólarhring. Þessum tímamerkjum
var hætt fyrir allmörgum ámm og 1 staðinn kom útsending
á klukkuslætti sem sjómenn telja ekki nógu ná-
kvæman.
Hannes Hafstein:
T ilky nningasky lda
fiskiskipa
Þingforseti, góðir þing-
fulltrúar.
Á öldum áður ogjafn-
vel allt fram á okkar daga
þótti það engum tíðindum
sæta, þótt ekkert fréttist
af ferðum skipa á höfum
úti dögum, vikum ogjafn-
vel mánuðum saman. Þann-
ig hafði sjómennskan ver-
ið allt frá því í árdaga og
það þótti ofur eðlilegt
hlutskipti þeirra, er sjóinn sóttu að vera án nokkurs
sambands sín á milli eða við land.
Og heima biðu ættingjar og ástvinir í helgreipum
kvíða og ótta, sem reynt var að bægja á brott og
sefa með þeirri einustu von sem til var, en ávallt
tiltæk, frómum óskum og góðum fyrirbænum að
allt mætti vel fara að lokum og sjómennirnir
næðu heilir í höfn.
4 — ÆGIR