Ægir - 01.01.1980, Qupperneq 43

(þ.e. 10.000 - 100.000 seiði á fermílu) svo og
lóðninga má ætla að loðnuárgangurinn 1979 verið
góður.
Karfi
Lóðningar á karfaseiðum voru óvenjuleg óreglu-
legar. Á undanförnum árum var mest um þau í
Grænlandshafi og á A-grænlenska landgrunninu.
í ágúst hafa þau ávallt verið þéttust á þrem svæðum,
þ.e. í miðju Grænlandshafi, á Dohrnbanka og á
bönkunum við A-Grænland.
í ár var útbreiðsla og fjöldi karfaseiða mjög frá-
brugðin því sem verið hefur (11. mynd). Þannig
voru nær engin seiði á stóru svæði í miðju
Grænlandshafi, og víðast annars staðar fundust
aðeins fá seiði. Tiltölulega mörg karfaseiði fengust
aðeins á mjóu belti meðfram A-Grænlandi, en
hvergi eins mikið og þekkt var úr leiðöngrum fyrri
ára. Á íslenska hafsvæðinu fundust karfaseiði allt í
kringum landið nema úti af A-landi. Þau voru dreifð
eins og venjulega.
Heildarfjöldi karfaseiða árið 1979 var sá lang-
minnsti síðan seiðarannsóknir þessar hófust 1970,
eða 1,3 xlO6 á fermílu. Minnsti fjöldi hingað til
var árið 1976 (5,8 xlO6 á fermílu) og árið 1978
(6,5 x 106 á fermílu). Hvergi fundust svæði með
meira en 100.000 seiðum á fermílu og svæði með
10.000 til 100.000 á fermílu voru mjög fá. Aðeins
fundust tvö slík svæði á A-grænlenska landgrunninu.
Það er álit okkar að tölur um fjölda karfaseiða
árið 1979 séu ekki sambærilegar við tölur fyrri
ára og er það vegna þess, hve seint var farið í leið-
angurinn að þessu sinni. Það er greinilegt, að veru-
legur hluti karfaseiðanna hafði leitað botns þegar í
byrjun september. Þannig voru ýmsar botnlægar
tegundir eins og t.d. lúða, þorskur og karfi, sem
veiddar voru í botnvörpu við A-Grænland, með
karfaseiði í mögum og sumsstaðar úttroðnar af þeim.
Lengdardreifing karfaseiðanna við A-Grænland
undirstrikar ennfremur þessa skoðun.
Eins og á undanförnum árum, veiddist mis-
munandi mikið eftir því hvort veitt var að nóttu
ÆGIR — 31