Ægir - 01.11.1984, Blaðsíða 24

við ofangreindar forsendur og
þrjá mismunandi kosti varðandi
árlegan afla árin 1985-1987 er
sýnd í töflu 3.
Ef veidd verða 300 þús. tonn á
ári næstu árin heldur hrygningar-
stofninn enn áfram að minnka.
Við 250 þús. tonna veiði helst
hann nánast óbreyttur, en við
200 þús. tonna aflamark mun
hann rétta við um 100 þús. tonn
á næstu þremur árum. Þrátt fyrir
aukinn vöxt einstaklinganna í
stofninum mun þorskstofninn
minnka á næsta ári miðað við
300 þús. tonna veiði og 250 þús.
tonna veiði mun leiða til mjög
óverulegrar aukningar heildar-
stofnsins. Hér er rétt að minna á
að árgangar sem nú eru í veiðinni
ogverða íveiðinni í allra nánustu
framtíð eru allir undir meðallagi
að undanteknum 1980 árgang-
inum og tveir árgangar eru
óvenjulitlir (1979 og 1982). Afl-
inn á næsta ári mun því byggjast
að 2/3 hlutum á aðeins tveim
árgöngum, þ.e. 4 og 5 ára þorski
( 3. mynd). Ljóst er því að tak-
marka verður veiðar verulega
meðan veiðanlegi stofninn er í
þessum öldudal. Þótt vonir séu
bundnar við árgangana frá 1983
og sérstaklega 1984, þá eru þeir
árgangar ekki komnir í veiðan-
lega stofninn fyrren eftir 3 til 4 ár.
Þær niðurstöður sem nú liggja
fyrir benda til þess, að æskilegt
sé að takmarka þorskveiðar á
árinu 1985 meira en gert hefur
verið á þessu ári eða við 200 þús.
tonna aflamark. Þá mun veiðan-
legur stofn (4 ára og eldri) standa
sem næst í stað.
Tölur um stærð hrygningar-
stofns og afli á hrygningarsvæð-
unum SV-lands eru eins og
alkunna er, háðar göngum frá
Grænlandi. í þeim útreiknuðu
dæmum sem hér hafa verið sett
fram er ekki reiknað með neinum
göngum þaðan. í síðustu skýrslu
Hafrannsóknastofnunarinnar um
ástand nytjastofna og aflahorfur
1984, var ýjað að því, að hugsan-
lega gæti þorskur gengið af
Grænlandsmiðum til hrygningar
hér við land árið 1984, en þó
frekar árið 1985. Göngur frá
Grænlandi reyndust í lágmarki á
yfirstandandi vertíð. Árgangurinn
frá 1977 er nokkuð sterkur við V-
Grænland og þar sem seiði rak af
þessum árgangi frá íslandi til A-
Grænlands er ekki ólíklegt að
eitthvað leiti af þessum árgangi á
íslandsmið á komandi vertíð.
Með tilliti til slíkra gangna svo
og gangi veiðanna á komandi
vertíð mun Hafrannsóknastofn-
unin endurmeta stofninn strax og
fært þykir.
7.6. Viðmiðunarmörk þorskeftir-
lits
Miðað við þær forsendur sem
lýst hefur verið að framan um
stærð þorskstofnsins og sókn í
hann á næsta ári hafa viðmiðun-
armörk verið reiknuð. Sam-
kvæmt því eru hlutfallsmörk þau
sömu og á árinu 1984 eða 25%-
Vöxtur þorsks hefur verið mun
meiri í ár heldur en á síðasta ári
(1983). Þess vegna má gera ráð
fyrir að lengdarmörk verði
ÞORSKUR
SPÁ UM ALDURSSKIFTINGU AFLA I985
(midad vid 200 bús.tonn)
3. mynd. Spá fyrir árið 1985 um aldursskiptingu atla í milljónum fiska ef veidd
verða 200 þús. tonn eins og tillaga Hafrannsóknastofnunar gerir ráð fyrir.
536-ÆGIR