Ægir - 01.02.1986, Blaðsíða 14

Breiðsla á saltfiski.
ekki að efa samt, að ákvæðin í
4.grein Fiskveiðasjóðsfrumvarps-
ins hafi valdið því að svo varð
strax. í nefndaráliti um Fiskveiða-
sjóðsfrumvarpið er að finna orða-
far, sem var nýtt í þingsögunni,
trúi ég, eða að minnsta kosti
óvenjulegt. Nefndarmenn tóku
svo til orða, að sjávarútvegurinn
væri óumdeilanlega orðinn miklu
arðbærri þjóðinni en landbúnað-
urinn og þar af leiðandi orðin gild
ástæða til að hlynna að honum af
hálfu tiins opinbera. Þessu mót-
mælti enginn og er þetta þing-
skjal merkileg heimild um snögg-
breyttan hugsunarhátt og afstöðu
til sjávarútvegs og opinber viður-
kenning á stöðu hans í þjóðfélag-
inu.
Guðbrandur Jónsson þarf að
koma smáskoti á Matthías um
leið og hann segir frá því, sem
næst gerðist á eftir samþykkt Fisk-
veiðasjóðsfrumvarpsins og kemst
þá í mótsögn við sjálfan sig. Þegar
hann hefur sagt að 4.greinin
valdi því, að það sé ekki nema
tímaspurning, hvenær félagið
verði stofnað, segir hann: „Má
nú heita að málið lægi í þagnar-
gildi í tvö ár, nema ef telja skyldi
að „Ægir", sem Matthías Þórðar-
son þá var ritstjóri að, impraði
mjög lauslega á því 1906, að
nauðsyn bæri til þess að halda
fiskveiðaráðstefnu fyrir landið,
hefur þar vakað fyrir honum ein-
hver samkoma svipuð búnaðar-
þinginu og lá slík hugmynd auð-
vitað mjög beint við eftir að Fisk-
veiðasjóðslögin voru komin."
Það var reyndar í jan./febrúar
blaði 1907 sem Matthías skrifar
grein um fiskveiðaráðstefnu og
það er ekkert lauslega gert,
heldur ítarleg grein, og í annan
stað er þarna komin hugmynd að
Fiskiþingi, og með öllu ástæðu-
laust að fara lítilsvirðandi orðum
um þessa grein. (Það vekur athygli
að Guðbrandur nefnir ekki að
Matthías hafi stofnað Ægi, hvorki
þegar hann nefnir Matthías eða
útkomu Ægis.) Guðbrandur nefnir
Matthías nokkrum sinnum eftir
þetta og jafnan með heldur lítilli
vinsemd.
Fundurinn 1908
\ framhaldi af því sem Guð-
brandur segir, að Fiskifélags-
málið hafi legið í þagnargildi ítvö
ár eftir samþykkt Fiskveiðasjóðs-
laganna, segir hann:
„Árið 1907 lét enn einn maður
til sín heyra um þörfina á slíku
félagi, var það Ammundsen (svo
ritað af Guðbrandi), foringi á
danska varðskipinu hér við land
það ár og kann það að hafa orðið
þess valdandi að árið 1908 var,
fyrir forgöngu Tryggva Gunnars-
sonar og nokkurra skipstjóra og
útgerðarmanna, haldinn fundur í
Reykjavík til undirbúnings stofn-
unar allsherjarfélags."
74-ÆGIR