Tímarit lögfræðinga - 01.01.1967, Blaðsíða 59

sem æskileg væri. Cr þessu yrði ekki bætt, nema með
gagngerðri brevtingu á embættaskipuninni, en hvort liún
er framkvæmanleg eða æskileg get ég ekki dæmt um.
Bæjarfógeti Akurevrar og sýslumaður Eyjafjarðarsýslu.
Úr bréfi Friðjóns Skarphéðinssonar sýslumanns og bæj-
arfógeta, dags. 23. desember 1964:
Spurt er í bréfinu um álit á þvi, hverjar séu helztu
orsakir fyrir drætti á meðferð dómsmála, og óskað til-
lagna um brevtta löggjöf af því tilefni.
Dráttur á meðferð dómsmála á sér ekki stað við þetta
embætti, að mínum dómi, umfram brýna nauðsyn, nema
sem hrein undantekning. Að sjálfsögðu á það sér oft stað
að öflun nauðsynlegra gagna taki talsverðan tima, svo
mánuðum skiptir, en tæplega svo árum skipti. Hlýtur svo
ævinlega að verða og verður tæplega úr þvi bætt með
neins konar löggjöf. A sinum tíma kom fram lagafrum-
varp, þar sem gert var ráð fyrir að gagnaöflun í einlca-
málum færi mestmegnis fram áður en mál er höfðað. Fæ
ég ekki séð að bað sé til neinna bóta fyrir málsaðila. Aðal-
atriðið sýnist mér vera, að tiltækur sé nægur vinnukraftur
af hendi málflytjenda og dómara. Við þetta embætti á
sér að vísu oft stað, að dómarar eru ofhlaðnir störfum,
en þá verða þeir að leggja því meir að sér, en að vísu er
þá sú hætta yfirvofandi, að störfin verði lakar unnin.
Um sakadómsmálin er það að segja, að þar er helzt
hægt að finna misbrest í því að dráttur verði á fullnustu
refsingar. Við þetta embætti hafa skilyrði til slíks verið
mjög takmörkuð, vinnukraftur ekki nægur til innheimtu
sekta og skilvrði til varðhaldsvistar i lágmarki. Cr hvort-
tveggja má bæta með auknum kostnaði og bygging fanga-
húss stendur nú yfir.
Enn má benda á atriði, sem miklu máli mundi skipta
fyrir þetla embætti, en það er stofnun sérstakrar rann-
sóknardeildar hjá lögreglunni. Sakadómsmálum fjölgar
stöðugt, einkum vegna aukinnar umferðar og slysa. Sér-
slök rannsóknarlögregla mundi flýta undirstöðurannsókn-
53
Tímarit lögfrœðinga