Tímarit lögfræðinga - 01.11.1976, Page 25
II. 4. Um sambýlishætti.
Hér er fyrst tekið upp hið almenna ákvæði 18. gr. laganna frá 1959
þess efnis að ganga skuli þrifléga um og valda ekki öðrum í húsinu óþæg-
indum eða ónæði. Síðan er það nýmæli sett, að húsfélög skuli í húsregl-
um setja venjulegar umgengnisreglur. I rgl nr. 280/1976 um samþykkt-
ir fyrir húsfélög eru nokkur ákvæði, sem lúta að húsreglum,
og eru þar gerðar lágmarkskröfur til efnis þeirra. Fyrirmyndir
að húsreglum má víða fá, t.d. hjá ýmsum byggingarfélögum og úr
formálabókum, t.d. bókinni Formálabókin mín eftir Björn Þ. Guð-
mundsson borgardómara. Þá hefur kaflinn það nýmæli að geyma, að
lagt er á vald húsfélags að krefjast þess af eiganda eða íbúa fjöl-
býlishúss, að hann flytji úr húsinu, geri hann sig sekan um gróf
eða ítrekuð brot á skyldum sínum gagnvart húsfélaginu eða félags-
manni þess. Þar sem hér er talað um húsfélag og ákvörðunin er þýð-
ingarmikil, verður að taka hana á fundi, sem boðaður hefur verið á
tryggilegan hátt með hæfilegum fyrirvara. Skriflegt fundarboð, þar
sem fundarefnis er getið, og sem er sent með þeim fyrirvara, að bréf-
ið verði komið til móttakanda 8—4 dögum fyrir fund, ætti að vera
nægileg fundarboðun. Til fyllsta öryggis mætti senda símskeyti með
sama fyrirvara. Á húsfélagsfundi ræður atkvæðafjöldi skv. húsfélags-
samþykktum. Skv. rgl. nr. 280/1976 nægir einfaldur meirihluti íbúðar-
eigenda, sbr. 1. gr. 4. mgr. þeirra. Atvæðin eru þá metin samkvæmt 1.
gr. 3. mgr. eftir eignarhlutum. Brot íbúðareiganda eða annars íbúa
verður að sjálfsögðu að vera alvarlegt, svo að vísa megi honum úr íbúð
sinni. Gert er ráð fyrir, að hann fái a.m.k. eina skriflega aðvörun.
Láti hann ekki skipast við aðvörun húsfélags og haldi áfram að brjóta
af sér, getur húsfélagið skv. ákvörðun á fundi höfðað mál á bæjar-
þingi og gert þá kröfu, að hann víki úr húsnæðinu. Fáist viðurkennt
með dómi, að íbúi skuli víkja úr íbúð, má með aðstoð fógeta bera
hann úr húsnæðinu. Dómari yrði í úrlausn sinni að athuga, hvort
ákvörðun húsfélagsins er réttilega gerð og hvort efnisrök styðja ákvörð-
unina. Húsfélagið verður að sanna brot íbúa. Brot hans getur verið
á lögunum um fjölbýlishús, reglugerð um húsfélagið, húsreglum og
almennum hegðunarreglum. Sönnunargögn gætu verið lögregluskýrsl-
ur og bókanir í gerðarbók húsfélagsins. Dómari legði heildarmat á,
hvort brot íbúa sé sannað og hvort það sé svo alvarlegt, að það eigi að
valda brottvísun. Sífelld endurtekning brota, sem hvert út af fyrir
sig er ekki mjög stórfellt, getur einnig orðið brottvísunarástæða.
Ákvæði sem þetta hefur ekki verið í lögum hér á landi áður, en þó
hefur verið talið heimilt að svipta íbúa umráðum húsnæðis vegna
119