Tímarit lögfræðinga - 20.12.1992, Blaðsíða 45

AÐALFUNDUR LÖGFRÆÐINGAFÉLAGS ÍSLANDS 1992
Árið 1992, föstudaginn 30. október, kl. 18.00 var haldinn aðalfundur
Lögfræðingafélags íslands í Kornhlöðunni við Lækjarbrekku í Bankastræti.
Dreift var á fundinum: skýrslu stjórnar, reikningum félagsins og reikningum
Tímarits lögfræðinga.
Formaður félagsins Garðar Gíslason hæstaréttardómari, setti fundinn, lýsti
fyrirkomulagi hans og bauð fundarmenn velkomna. Fundarstjóri var kosinn
Arnljótur Björnsson prófessor, en Ingvar J. Rögnvaldsson skrifstofustjóri
fundarritari.
Fundarstjóri gaf formanni orðið um skýrslu stjórnar. Formaður gerði grein
fyrir hverjir hefðu setið í fráfarandi stjórn og lýsti störfum hennar. Fundahald
hefði verið hefðbundið, en þó fitjað upp á nýbreytni, t.a.m. morgunverðarfundi
með nýju sniði að frumkvæði Þórs Vilhjálmssonar. í maí var fjölskylduferð á
Þingvöll og haldinn var opinn borgarafundur í júní. Fundarsókn var góð eða alls
621 fundarmaður. Aðrir þættir í starfsemi félagsins voru m.a. þátttaka í
jólatrésskemmtun lögmannafélagsins. Formaður tæpti á þeirri hugmynd, að
lögfræðingafélagið tæki einnig þátt í hinni árlegu skíðaferð dómarafélagsins og
lögmannafélagsins.
Á árinu var ráðinn nýr framkvæmdastjóri Ragnhildur Arnljótsdóttir, cand.
jur., sem formaður kynnti fyrir fundarmönnum og færði hinar bestu þakkir fyrir
vel unnin störf. Ritstjórum Tímarits lögfræðinga voru færðar þakkir fyrir góða
útkomu.
Formaður gerði síðan grein fyrir ritstjóra, ritstjórn og framvindu Lögfræð-
ingatalsins. Ekki hefði náðst að gefa ritið út fyrir jólin, en hvetja yrði menn til að
standa betur að skilum, þannig að útgáfan tefðist ekki frekar.
Varðandi úrsögn úr Bandalagi háskólamanna kom fram, að bein samskipti
hafi náðst við lögfræðingafélögin á hinum Norðurlöndunum. Formaður hvatti
því viðtakandi stjórn til þess að efla þessi tengsl. Að öðru leyti er vísað til skýrslu
stjórnar í heild, en hún birtist í þessu hefti Tímarits lögfræðinga.
Formaður þakkaði síðan fráfarandi stjórn fyrir gott samstarf sem og öðrum, er
lagt höfðu á sig vinnu í þágu félagsins.
Gjaldkeri félagsins Dögg Pálsdóttir gerði grein fyrir endurskoðuðum reikn-
ingum félagsins og rakti skilmerkilega lið fyrir lið. Rekstrarár félagsins var frá
26.10. 1991 til 30.09. 1992. Tekjur alls voru 1.771.826, gjöld 1.065.519 og
hagnaður kr. 706.307. Uppgjörvegna málþingsinss.l. haust er þó ekki meðtalið.
Eigið fé í lok tímabilsins var kr. 4.052.532.
Framkvæmdastjóri Tímarits lögfræðinga, Ásdís Rafnar gerði síðan grein fyrir
reikningum þess, en reikningsárið var almanaksárið 1991. Tekjur alls voru kr.
3.299.730, en gjöld samtals kr. 1.665.943 og hagnaður kr. 1.633.787. Samtals
var eigið fé kr. 4.486.508, en verulegur hluti eigna er þó talinn í óinnheimtum
275