Tímarit lögfræðinga - 20.12.1992, Blaðsíða 18

Sigríður Ingvarsdóttir er
héraðsdómari í Reykjavík
Sigríður Ingvarsdóttir:
NÝ LÖG UM VERND BARNA OG UNGMENNA
Höfundur flutti erindi það sem birt er hér lítið breytt á félagsfundi hjá Lögfræð-
ingafélagi íslands 26. nóvember 1992.
1. INNGANGUR
Ný lög um vernd barna og ungmenna, nr. 58/1992, voru sett 2. júní 1992 og
tóku gildi 1. janúar 1993. Lög þessi voru nokkur ár ísmíðum. í apríl 1987 skipaði
þáverandi menntamálaráðherra þriggja manna nefnd til að endurskoða þágild-
andi lög um vernd barna og ungmenna sem voru frá árinu 1966 eins og kunnugt
er. I nefndinni voru auk mín þau Ingibjörg Rafnar héraðsdómslögmaður og
Gunnar Sandholt yfirmaður fjölskyldudeildar Félagsmálastofnunar Reykjavík-
ur. Nefndin skilaði tillögum að lagafrumvarpi í febrúar 1990. Frumvarpið var
lagt fram á Alþingi veturinn 1990-1991 og afgreitt af menntamálanefnd efri
deildar Alþingis eftir ítarlega umfjöllun í þeirri nefnd en var ekki tekið til frekari
meðferðar á því þingi. Frumvarpið var samþykkt á Alþingi sl. vor en þá höfðu
nokkur atriði sætt breytingum frá tillögum nefndarinnar sem samdi frumvarpið.
Flestar breytingarnar voru smávægilegar með þeirri undantekningu þó að ekki
var fallist á tillögu nefndarinnar um stækkun umdæma þannig að barnaverndar-
nefndir hefðu almennt stærri umdæmismörk en nú er. í tillögunum var lagt til að
héraðsnefndir sameinuðust um eina barnaverndarnefnd en á Alþingi var því
breytt svo að sveitarfélögum er samkvæmt lögunum heimilt en ekki skylt að fela
héraðsnefnd eða stjórn byggðasamlags að kjósa eina sameiginlega barnavernd-
arnefnd eða semja um annað svæðisbundið samstarf með öðrum hætti. Rökin
fyrir því að stækka barnaverndarumdæmin koma skýrt fram í greinargerðinni
248