Ægir - 01.11.1995, Blaðsíða 46

Samdrætti mætt með stórauknum innflutningi
Meira en helmingur af öllum bolfiski sem unninn er í dönskum
fiskvinnslufyrirtækjum er fluttur inn frá öðrum löndum
Danskur sjávarútvegur hefur átt í erfiðleikum rétt eins og reyndin hefur
verib í flestum löndum Evrópu. Samdráttur í veiðum hefur verið töluverður,
einkum þó þegar litið er á bolfiskinn. Þannig var þorskafli danskra skipa árið
1994 ekki nema rúmlega fjórðungur þess afla sem danski flotinn dró á land
tólf árum áður.
Danskur fiskiðnaður hefur þó ekki dáið ráðalaus heldur gripið til þess að
auka innflutning á ferskum óunnum fiski frá öðrum löndum. Hlutföllin sjást
glöggt á því að í fyrra drógu danskir sjómenn rúmlega 1,7 milljónir tonna af
fiski á land en sama ár lönduðu erlend fiskiskip 382 þúsund tonnum í Dan-
mörku og innfluttur fiskur til vinnslu var tæplega 800 þúsund tonn. Þetta er
ágætt dæmi um þann sveigjanleika sem Danir eru frægir fyrir en hann hefur
fleytt þeim langt þrátt fyrir takmarkaðar auðlindir og enn minni orkulindir.
Afli og verðmæti
Ársafli danskra skipa hefur á
undanförnum árum sveiflast á bilinu
1,5-2 milljónir tonna. Þar af er fiskur
sem fer í bræðslu - iönaðarfiskur eða
skítfiskur eins og danskir nefna hann -
yfirgnæfandi hluti. Skipting aflans og
verðmætis upp úr sjó árið 1994 kemur
fram í meðfylgjandi töflu.
Við þetta má bæta að árið 1994 lönd-
uðu danskir sjómenn rúmlega 17 þús-
und tonnum af fiski í erlendum höfn-
Þröstur Haraldsson.
um, þar af helmingnum í Noregi, og
fengu fyrir aflann 1.200 milljónir
króna. Þessar tölur segja okkur að þótt
ársaflinn í tonnum sé nokkru meiri í
Danmörku en hér á landi er aflaverð-
mætið ekki nema 65% af verðmæti afla
íslenskra skipa. Ástæðan er að sjálf-
sögðu hátt hlutfall bræðslufisks.
Samdrátturinn verður ljósari þegar
litið er á þróun aflaverðmætisins. Á
níunda áratugnum var verðmætið í
dönskum krónum á bilinu 3,5-3,7
milljarðar, en var undir 3 milljörðum
árin 1993-94. Sé tekið mið af verðbólgu
hefði verðmætið þurft að vera 5,6 millj-
arðar danskra króna til að jafnast á við
það sem reyndin var í upphafi níunda
áratugarins.
46 ÆGIR