Ægir - 01.11.1995, Blaðsíða 49

unnið úr danskri rauðsprettu, norsk-
um laxi, Alaskaufsa, þorski og rækju.
Nútímaleg verksmiöja
Mér bauðst að skoða verksmiðjuna í
Fredericia undir leiðsögn Lis Hansen
sem hefur unnið í aldarfjórðung hjá
fyrirtækinu. Hún sagðist hafa byrjað í
snyrtingu og pökkun en nú er hún
komin í gæðaeftirlitið.
Verksmiðjan, sem er stærsta fisk-
réttaverksmiðja Danmerkur, er afar
nútímaleg enda hefur fyrirtækið fjár-
fest í nýrri tækni fyrir um 700 milljónir
íslenskra króna á sl. tveimur árum. Það
er búið að útrýma handskurði á fiski
með öllu og pökkunardeildin var
endurnýjuö frá grunni.
Lis sagöi að þessi tæknivæðing hefði
að sjálfsögðu orðið til þess að starfs-
fólki fækkaði. „Það blasti við okkur að
ófaglærða fólkinu yrði fækkað úr 450 í
250. Við starfsfólkið samþykktum þetta
með því skilyrði að þeir sem eftir yrðu
fengju að sækja námskeið til að læra
ný vinnubrögð. Eigendurnir féllust á
það og nú starfa hér 250 ófaglærðir
starfsmenn. Störfin eru að nokkru leyti
erfiðari en áður en þó er það bót í máli
að búið er að útrýma handskurði og
öðrum kuldalegum og erfiðum
störfum," segir Lis.
Hún upplýsir mig einnig um það að
meðallaun ófaglærða fólksins sé um
100 danskar krónur á tímann eða
rúmlega 1100 íslenskrar krónur.
Launakerfið er blanda af tímalaunum
og bónus og eru um 75% launanna
tímakaup en 25% bónus.
Við gengum um sali verksmiðjunnar
og ég dáðist að sjálfvirkninni. Á einum
stað stóðu í röð fjórir 800 lítra pottar
til að búa til sósur og skammt frá voru
tröllvaxin ílát til að kurla niður ost.
Þennan dag var verið að framleiða á
einni línunni þorsk í steinseljusósu
fyrir Bretlandsmarkað en á næstu línu
var verið að búa til laxalasagna fyrir
Þjóðverja. Ég fékk ekki séð annað en að
mannshöndin væri alveg úr sögunni
við þessa framleiðslu því fólkið sem
þarna starfaði var fyrst og fremst til að
liðka fyrir og fylgjast með því að
færiböndin gengju eins og þeim var
ætlað.
Sönnun um sveigjanleika
Fyrir mér var þessi heimsókn
sönnun á því sem ég nefndi áðan:
Danir búa yfir miklum sveigjanleika og
útsjónarsemi sem hefur gert þeim
kleift að halda sér í fremstu röð þjóða
þrátt fyrir þá staðreynd að landið
þeirra er ekki ríkt af auðlindum eða
orku.
Fyrst þeir geta ekki ausið af nægtar-
brunni náttúrulegra auðlinda leggja
þeir þeim mun meiri rækt við
mannauðinn sem skiptir mestu máli
þegar allt kemur til alls. Vel menntað
og þjálfað starfsfólk er forsenda þess að
Danir hafa getað mætt afla-
samdrættinum með þeirri reisn sem sjá
má. □
Jósafat skrifar æviminningar
sínar á líflegan hátt í stuttum
hnitmiðuðum köflum.
Magnafsláttur til fyrirtækja,
hafið samband og kynnið
ykkur málið.
skerpla
Suðurlandsbraut 10, Reykjavík
Sími 568 1225, bréfsími 568 1224
Úr sjó til sælkera
í glæsilegum og vönduðum umbúóum frá Kassageró Reykjavíkur. Hjá
Kassagerðinni hefur átt sér stað áratuga þróunarstarf við gerö margskonar fiskumbúða.
Hönnun og önnur sérfræðiþjónusta á staðnum. Hafið samband og við leysum vanda-
málin fljótt og vel.

KASSAGERÐ REYKJAVIKUR HF
VESTURGARÐAR 1 104 REYKJAVÍK SÍMI 55 38383 BRÉFASÍMI 55 38598
ÆGIR 49