Ægir - 01.11.1995, Blaðsíða 6

Ég hef engar sérstakar áætlanir um að
stækka fyrirtækið eins og er. Þetta hús-
næði er 200 fermetrar og leyfir ekki
mikið meiri umsvif en lóðin er stærri og
býður upp á stækkun. Stundum gæti ég
vel þegið að geta komið meiri fiski í
gegn en stundum er ég feginn að þetta
er þó ekki stærra."
Eru miklir snúningar við að sœkja
uppboðin á mörkuðunum?
„Síðan þetta varð allt samtengt þá er
þetta mjög þægilegt og maður fer bara
á einn staö. Hérna í Hafnarfirði er nóg
að fara á Fiskmarkaö Hafnarfjarðar.
Ég hef lítið reynt að komast í föst
viðskipti með hráefni og þess vegna eig-
um við mikið undir mörkuðunum og
erum því aðeins til að þeir séu til.
Það er auðveldara að eiga við þetta
nú en áður meðan allt hráefni var
bundið í einhverjum viðskiptum en það
eru töluvert miklar breytingar í þessum
bransa, menn koma og fara."
Hvað er góðæri?
Heldur þú að þið séuð komnir á lygn-
an sjó og yfir það versta?
„Já, ég vona það. Ég veit ekki hvort
það eru einhverjar sérstakar sveiflur í
þessu eins og rjúpnastofninum. Best er
ef þetta gengur svona jafnt og þétt og
best er ef þarf aldrei að senda fólkið
heim vegna hráefnisskorts."
Nú sést á afkomutölum stórra fyrir-
tœkja í útgerð og fiskvinnslu, bœði fyrir
síðasta ár og það sem af er þessu, að
hagnaður er nokkur og meiri en verið hef-
ur. Er þetta góðœri líka hjá þeim minni í
greininni?
„Stór fyrirtæki hafa mörg tækifæri til
hagræöingar sem smá fyrirtæki hafa
ekki. Ég þykist vita að hjá stóru frysti-
húsunum séu einhver hráefnisverð í
gangi sem eru vinnslunni hagstæð.
Ég myndi kannski ekki kalla þetta
góðæri hjá litlum fyrirtækjum en það
gæti sjálfsagt verið verra."
Reglur um krókabáta hafa mikil áhrif
á lítil fyrirtæki
„Við erum í stöðugri baráttu um hrá-
efnið og nú á þetta eftir að versna mikið
þegar banndögum krókabáta fjölgar.
Þær ráðstafanir sem gerðar voru til að
fækka veiðidögum þeirra eiga eftir að
hafa mikil áhrif og eflaust munu mörg
smáfyrirtæki hreinlega loka í desember
og janúar af því þau hafa að mestu reitt
sig á afla krókabáta."
Grétar Friðriksson framkvæmdastjóri
Fiskmarkaðar Hafnarfjarðar sagði í 10.
tbl. Ægis 1995: „Sú tilhneiging að
smærri útgerðaraðilum fækkar óðfluga
er stærsta ógnunin við tilveru okkar því
þetta eru einkum þeir aðilar sem leggja
upp hjá okkur. Stóru útgerðarfyrirtækin
nota ekki markaðina nema aö litlu
leyti."
Ertu sammála þessu og er samkvœmt
þessu ekki áminnst tilhneiging ógnun við
tilvist lítilla fyrirtœkja eins og þíns?
í Blátúni geta allir gengið í öll störf í vinnslunni og hér gerir Lárus sig líklegan til þess að flaka þorsk.
6 ÆGIR