Ægir - 01.09.1997, Blaðsíða 37

„Trúnaðarmannakerfi
Fiskifélagsins auðveldaði
okkur útgáfuna”
segir Már Elísson, fyrrverandi fiskimálastjóri og ritstjóri Ægis
/á, vinnan við Ægi var alltafmikil
en á þeim tíma sem ég kom að út-
gáfunni var trúnaðarmannakerfi
Fiskifélags íslands um allt land og
það auðveldaði mjög alla söfnun
upplýsinga enda voru þessir trúnað-
armenn allir gjörkunnugir sjávarút-
veginum í sínum heimabyggðum,"
segir Már Elísson, fyrrverandi fiski-
málastjóri og ritstjóri tímaritsins
Ægis.
Már kom fyrst að störfum hjá Fiski-
félaginu árið 1954 en þá var Lúðvík
Kristjánsson að hætta ritstjórn Ægis.
Már vann að verkefnum tengdum
blaðinu, bæði þann tíma sem Davíð
Ólafsson var fiskimálastjóri og eftir að
Már tók sjálfur við því starfi. Hann
kom því meira og minna við sögu
Ægis fram til ársins 1983 þegar hann
lét af störfum fiskimálastjóra og réðst
sem framkvæmdastjóri Fiskveiðasjóðs
íslands.
Már segir að margir góðir starfs-
menn innan Fiskifélagsins hafi lagt
hönd á plóg í vinnslu blaðsins en allir
áttu sammerkt að sinna útgáfunni sem
meðfram öðrum störfum. Þeirra á
meðal var Ásgeir Jakobsson, rithöf-
undur, Þórarinn Árnason, skýrslustjóri
Fiskifélagsins, og Guðmundur Ingi-
marsson sem sá um auglýsingamál
lengi vel. Már segir einnig að hlutverk
trúnaðarmannanna út um landið hafi
verið að afla skýrslna og upplýsinga
um afla í sínum heimabyggðum. Þetta
starf trúnaðarmannanna var næsta
launalítið þannig að Fiskifélagsfólk
lagði mikið á sig fyrir félagið.
Már Elísson, fyrrverandi fiskimálastjóri.
„Tölvubyltingin hófst fyrr hjá Fiskifélag-
inu en mörgum öðrum."
Tölvukerfið skipti miklu máli
„Starf trúnaðarmannanna gerði að
verkum að við vorum komnir með
bráðabirgðaskýrslur um fiskafla, verk-
un afla og landanir eftir höfnum um
tíunda hvers mánaðar. Og þessar
bráðabirgðaupplýsinginar voru jafnan
svo nákvæmar að það skeikaði aðeins
fáeinum prósentum þegar upp var
staðið," segir Már um vinnslu út-
vegstalnanna sem hafa í gegnum tíð
Ægis verið einn af grundvallarþáttum
blaðsins. Tölvutækninni var töluvert
öðruvísi farið á þessum tíma en er í
dag en samt sem áður var Fiskifélagið
mjög framarlega þegar sú tækni hóf að
ryðja sér braut.
„Tölvukerfi var sett upp hjá okkur á
sjöunda áratugnum þannig að þessi
bylting hófst fyrr hjá okkur en mörg-
um öðrum. Við nutum þess að hafa
með okkur skipaverkfræðinga sem
komnir voru í störf hjá félaginu, þ.e.
þá Auðunn Ágústsson og Emil Ragn-
arsson en þeir höfðu kynnst tölvu-
notkun í námi sínu í Kaupmanna-
höfn. Að þessu kom einnig Jónas
Blöndal, starfsmaður Fiskifélagsins,
sem var góður stærðfræðingur auk
þess að vera viðskiptafræðingur. Loks
nutum við aðstoðar Júlíusar Sólnes,
prófessors, og samanlagt skilaði þetta
okkur miklum árangri í tölvuvinnsl-
unni," segir Már.
Allir lögðust á eitt
Már leggur mikla áherslu á að sam-
vinna starfsmanna og félagsmanna í
Fiskifélaginu hafi miklu skipt við út-
gáfuna. Á sama hátt og trúnaðarmenn
félagsins hafi unnið út um land að
söfnun skýrslna hafi aðrir skrifað
greinar í blaðið en reynt hafi verið að
gæta þess að efnið væri fjölbreytt.
„Þetta var fólk sem var störfum
hlaðið vegna annarra verkefna þannig
að þegnskyldan var rík í mönnum.
Það datt engum í hug annað en halda
merki blaðsins og félagsins á lofti og
ég tel að þarna á sjöunda áratugnum
hafi okkur á margan hátt tekist að
bæta stöðuna með því að komast inn
á auglýsingamarkað fyrir blaðið er-
lendis. Aðilar erlendis voru ekki óvanir
að greiða mikið fyrir auglýsingar og
þrátt fyrir að við hækkuðum verðið
töluvert frá heimamarkaðnum þá þótti
þessum aðilum ódýrt að auglýsa í Ægi.
Þessar auglýsingar styrktu blaðið en
ÆGm 37