Ægir - 01.10.1999, Side 39

SAMLEIÐ MEÐ ÍSLENSKUM SJÁVARÚTVEGI
Vélstjórafélag íslands:
Grunnurinn að
félaginu lagður
fyrir 90 árum
Félag vélstjóra var stofnað árið
1909 undir heitinu Gnfuvéla-
gasslumannafélag Reykjavíkur, eti
nafninu var breytt í Vélstjóraféiag ís-
latids árið 1916. í dag eru félags-
menn utn 2400. Eftirfarandi er
samantekt um Vélstjórafélag íslands
við þessi tímamót.
Um 56% vélstjóra starfa á fiskiskip-
um, 9% á farskipum, ferjum, hafrann-
sóknarskipum og land-
helgisgæsluskipum og
35% starfa í landi, m.a.
í virkjunum, frystihús-
um og verksmiðjum.
Helstu kjarasamningar
eru við LÍÚ vegna vél-
stjóra á fiskiskipum,
við VSÍ/VMSÍ (nú SA)
vegna vélstjóra á far-
skipum. Einnig semur
félagið við Hafrann-
sóknastofnun og Land-
helgisgæsluna vegna
vélstjóra á þeirra skip-
um. Helstu kjarasamn-
ingar vegna landvél-
stjóra eru við
VSÍ/VMSÍ vegna vél-
stjóra í frystihúsum og
verksmiðjum, við Landsvirkjun,
Áburðarverksmiðjuna, Varnarliðið og
Hitaveitu Suðurnesja vegna vélfræð-
inga, sem hjá þeim fyrirtækjum starfa.
Einnig er samið við Rafmagnsveitur
Ríkisins, Sorpeyðingarstöð Suðurnesja
auk ýmissa sérsamninga.
Fyrir utan hefðbundna starfsemi
stéttarfélaga, þ.e.a.s. samninga um
kaup og kjör við vinnuveitendur, hef-
ur alltaf farið töluverður tími forsvars-
manna félagsins í menntunar- og at-
vinnuréttindamál vélstjóra. í fyrstu
var helsta verkefnið að koma á lögum
um atvinnuréttindi. Seinna að taka
þátt í að breyta þeim þegar þurfa þótti
og ekki síður að standa vörð um lögin
og gæta þess að þeim sé framfylgt.
Menntun vélstjóra hefur einnig verið
mikið kappsmál félagsmanna frá upp-
hafi og náðu þeir þeim árangri 1911
að stofnuð var vélfræðideild við Stýri-
mannaskólann, sem var upphaf að
Vélskóla íslands. Fyrir árið 1966 var
Fiskifélag íslands með mótornámskeið
fyrir bátavélstjóra og voru þeir í sér fé-
lagi, Mótorvélstjórafélagi Islands, en
árið 1966 voru samþykkt ný lög um
vélstjóranám og atvinnuréttindi. Þá
var námið sameinað og skipt upp í
fjögur stig sem hvert um sig gefur
ákveðinn atvinnuréttindi. Þá samein-
uðust þessi tvö stóru félög vélstjóra
undir nafni Vélstjórafélags fslands.
Það hefur löngum verið stefna félags-
ins að sameina alla vélstjóra í einu öfl-
ugu félagi til að ná sem bestum ár-
angri fyrir stéttina í heild. Á undan-
förnum árum hefur verið unnið að því
að sameina landshlutafélögin þrjú:
Vélstjórafélag ísafjarðar, Vélstjórafélag
Suðurnesja og Vélstjórafélag Vest-
mannaeyja innan Vélstjórafélags ís-
lands. Er það mál nú í höfn.
Sjúkrasjóður félagsins greiðir dag-
peninga í allt að 480 daga vegna slysa
eða veikinda. Einnig greiðir sjóðurinn
jarðarfararstyrk og styrki vegna sjúkra-
þjálfunar, ýmiss konar endurhæfingar,
líkamsrækt og læknisþjón-
ustu.
Orlofssjóður á 11 orlofshús
á Laugarvatni ásamt sund-
laug, gufubaði, heitum pott-
um og minigolfi. Einnig eru
orlofshús á Austurlandi,
íbúðir á Akureyri og orlofs-
hús í Flókalundi. Ein íbúð er
í Reykjavík og stendur til að
bæta annarri við.
Eftirmenntun vélstjóra
stendur fyrir námskeiða-
haldi, sem sérstaklega er
sniðið að þörfum vélstjóra
og vélfræðinga og hefur sú
starfsemi verið að eflast á
undanförnum árum.
Á skrifstofu félagsins í Borg-
artúni 18 Reykjavík starfa
sex manns. Formaður, skrifstofustjóri,
innheimtustjóri, lögfræðingur, starfs-
maður eftirmenntunar og starfskona í
afgreiðslu. Þá er félagið með starfs-
mann í hlutastarfi á skrifstofu félags-
ins Skipagötu 14, Akureyri og um-
boðsmenn á tveim stöðum á landinu.
AGIR 39