Ægir - 01.01.2000, Page 31

SJÁVARÚTVEGSDEILD HA 10 ÁRA^H
Margír atvinnumöguleikar
bjóðast
- segir Ómar Pétursson, sjávarútvegsfræðingur
og sölumaður hjá Sæplasti
Ómar Pétursson starfar sem sölumað-
ur hjá Sæplasti hf. á Dalvík, en hann
lauk námi frá sjávarútvegsdeild Háskól-
ans á Akureyri vorið 1996. Strax frá
barnæsku starfaði hann við sjávarsíðuna
á heimaslóðum sínum á Bakkafirði „og
ég ólst upp við að fara á sjó með föður
mínum eða föðurbræðrum og hjálpa til
við verkun á fiskinum þegar í land var
komið,“ segir Ómar.
Fljótlega eftir stúdentspróf við MA
fór Ómar til náms í útgerðartækni við
Tækniskóla Islands, en það nám fékk
hann metið þegar í Háskólann á Akur-
eyri kom. Fyrst eftir námi starfaði Ómar
sem framleiðslustjóri hjá Gunnólfi hf. á
Bakkafirði en hefur starfað hjá Sæplasti
hf. á Dalvík síðan 1997.
Þegar Ómar var beðinn að bera saman
nám við Tækniskóla Islands og Háskól-
ann á Akureyri, þá nefnir hann verk-
efna- og hópvinnu við Tl. „Að vinna
mikið í hópvinnu kennir nemendum á
áþreifanlegan hátt að taka tillit til og
vinna með öðrum en á slíkt reynir mik-
ið þegar út í atvinnulífið er komið. Yf-
irleitt voru fimm til sjö í hverjum hópi
hjá Tækniskólanum og því margir sem
taka þurfti tillit til. Sjávarútvegsdeild
HA hefur yfirleitt samanstaðið af fá-
mennum árgöngum og ekki er nokkur
vafi að á stundum háði það náminu.
Hins vegar var auðveldara fyrir nemend-
ur að ná saman og það vegur upp ókost-
ir fægðarinnar," segir Ómar, sem segir
meiri akademískar kröfur vera gerðar á
Akureyri en í Tækniskólanum.
„Margir atvinnumöguleikar bjóðast
þegar námi lýkur,“ segir Ómar og bend-
ir á að fljótt hafi menn í tölvugeiranum
og á verðbréfamarkaðnum áttað sig á
því hve menntun í sjávarútvegsfræðum
sé víðfeðm og haldgóð.
„Sem sölumaður hjá Sæplasti við sölu
á fiskikerjum, plastbrettum og trollkúl-
um, hefur samspil reynslu og náms nýst
mér mjög vel, einkum þegar farið er til
svæða þar sem þekking á notkun kerja
er ekki til staðar, svo sem í Suður-Am-
eríku.
Þegar menn gera sér svo grein fyrir
því að ég er ekki bara sölumaður sem er
að selja plast, heldur hef líka þekkingu,
reynslu og nám á þessu sviði sem ég
miðla tii manna eftir minni bestu getu,
hafa samskipti mín við viðskiptavinina
orðið betri og traustið meira.“
Kostsala • Akureyri • Símar 896 0485, 460 3407 • Netfang nettokostur@kea.is
Matvara • Sérvara • Hreinlætisvörur
Búsáhöld • Rekstrarvörur • ofl.
Hvað þarf að vera í lagi
31