Árbók Háskóla Íslands - 01.01.1945, Síða 89

87
meiri líkur fyrir velgengni fyrirtækisins í framtíðinni. Stúdentaráðið
leit svo á, að rétt væri að samþykkja þessa tillögu ritstjórans, og var
því Stúdentafélagi Reykjavíkur boðin þátttaka og þvi boði tekið af
hálfu stjórnar félagsins. Tók nú ritstjórinn til óspilltra málanna að
vinna að undirbúningi útgáfunnar. Hefur ritinu verið valið nafnið
Garður. Er nú svo komið, að fyrsta hefti þess er í prentun og kemur
væntanlega út innan fárra daga. Ætlazt er til, að ritið komi út 4—5
sinnum á ári. Afgreiðslumaður þess hefur verið ráðinn Jörundur Páls-
son, forstöðumaður Auglýsingaskrifstofu E. K. Einlægar óskir stúdenta
um gifturíka framtið og árangursríkan starfsferil munu fylgja tíma-
riti þessu úr hlaði.
Stjórn stúdentac/arðanna. Skömmu eftir að ráðið tók til starfa var
kjörtímabil Magnúsar Jónssonar stud. jur. í stjórn stúdentagarðanna
á enda runnið. Var hann einróma endurkjörinn. Nú í haust kaus ráðið
einnig annan fulltrúa i stjórnina í stað Helga Jósefs Halldórssonar,
sem nú hefur lokið burtfararprófi. Varð Jóhannes Elíasson stud. jur.
fyrir valinu.
Vasabók stúdenta. Vasabók stúdenta var gefin út um áramótin
með svipuðu sniði og tíðkazt hefur undanfarin ár. Hefur hún að
geyma hið fyrirskipaða efni slíkra bóka, en auk þess ýmsar upplýs-
ingar, er varða stúdenta sérstaklega.
Skiðaskálamál. Enn á ný var þessu máli hreyft i ráðinu. Var tekin
ákvörðun um að hverfa frá hugmyndinni um setuliðsbragga til af-
nota fyrir skíðamenn í hópi slúdenta, þar eð slíkar byggingar væru
þyrnir í augum allra góðra manna og mundi auk þess ekki reynast
fullnægjandi. Kom fram tillaga þess efnis, að leitað væri samvinnu
við hin ýmsu stúdentafélög í bænum um byggingu fullkomins skíða-
skála til afnota fyrir stúdenta eldri sem yngri. Tilnefndu hin ýmsu
félög, samkvæmt áskorun ráðsins, einn mann hvert í nefnd, sem
skyldi ræða möguleikana á slíkri samvinnu og afla upplýsinga varð-
andi kostnað o. fl. í sambandi við væntanlega byggingu. Formaður
nefndarinnar, Hörður Ólafsson stud. jur., tilnefndur af stúdentaráði,
hefur nú nýverið afhent ráðinu greinargerð um störf nefndarinnar.
Telur hún, að hér sé um svo óskylda aðila að ræða, að grundvöllur
fyrir samvinnu sé enginn, og þar við situr nú.
Gamli Garður. Stúdentaráðið gerði á starfsárinu ýmsar ályktanir
i þá átt, að nauðsynlegt væri að taka upp öfluga baráttu fyrir endur-
heimt Gamlá Garðs. Stóð ráðið og í allnánu sambandi við stjórn
Stúdentagarðanna um þessi mál og ríkti gagnkvæmur skilningur milli
þessara aðilja um nauðsyn þess að fá brezka setuliðið til að rýma liúsa-
kynnin.
Eins og kunnugt er, hefur Gamli Garður nú verið rýmdur, og eru