Árbók Háskóla Íslands - 01.01.1945, Page 91

89
þær, er upp komu, um það leyti, er stjórnarskipti áttu sér stað í
ráðinu.
Undirbúningur lagabreytinga. Ráðið samþykkti að tilnefna, ásamt
hinum ýmsu pólitísku félögum í skólanum, mann í nefnd, sem hefði
það hlutverk, að endurskoða lög stúdentaráðsins og undirbúa nauð-
synlegar breytingar á þeim. Þykja þau nú að ýmsu leyti orðin úrelt
og ófullnægjandi. Hefur nefndin nú skilað áliti, sem hefur verið fjöl-
ritað, svo að stúdentum gefist kostur á að kynna sér rækilega þær
breytingar, sem nefndin leggur til, að gerðar verði. Eru mikilvæg-
ustu breytingartillögurnar fólgnar í þvi, að fyrsta árs stúdentar verði
sviptir kjörgengi til ráðsins, og gert er ráð fyrir, að Stúdentafélag
háskólans verði lagt niður. Telur nefndin, að eina verkfni þess sé að
standa fyrir Rússagildi á hausti hverju, en það verkefni ætlast hún
til, að falið verði stúdentaráði. Þá eru og í frumvarpinu ýmsar nánari
starfsreglur fyrir ráðið en áður voru fyrir hendi. Enn hefur ekki
gefizt tækifæri til að leggja frumvarpið fyrir almennan stúdentafund,
en þess verður að öllum likindum ekki langt að bíða úr þessu.
Útvarpskvöld. Samkvæmt tilmælum útvarpsráðs sáu stúdentar á
síðasta vetrardag um kvölddagskrá rikisútvarpsins. Var dagskráin
með líku sniði og verið hefur áður þennan dag, en, eins og kunnugt
er, hafa stúdentar um nokkur undanfarin ár haft þennan dag til um-
ráða i útvarpinu. Fluttu stúdentar þar ræður, kvartett söng, leik-
þáttur var fluttur og einn stúdent söng einsöng.
Handbók stúdenta. Ráðið samþykkti að skora á Lúðvík Guðmunds-
son, forstöðumann Upplýsingaskrifstofu stúdenta, að sjá um útgáfu
á handbók stúdenta, sem síðast kom út árið 193G. Er sú hók, eins og
gefur að skilja, orðin harla úrelt og allsendis ófullnægjandi. Tók
Lúðvík mjög vel i þessa málaleitan ráðsins og lofaði að annast um
framkvæmd verksins. Var undirbúningur þegar hafinn, en málinu
skotið á frest á s.l. sumri, er Lúðvík þurfti að fara af landi brott.
Verður máiið væntanlcga tekið upp af nýju, þegar Lúðvik kemur aftur
að utan.
Alþjóðaæskulýðsþing í London. Á s.l. vori bárust ýmsum æskulýðs-
samtökum á landinu, þ. á m. stúdentaráði, bréf frá framkvæmdanefnd
alþjóðaæskulýðsþings, sem stóð til að halda i London síðustu vikuna
i ágústmánuði síðastliðnum. Var íslenzkum æskulýð boðið að senda
3 fulltrúa til þingsins, en það átti að fjalla um ýmis málefni varðandi
framlag og þátttöku æskulýðsins til viðreisnarmálanna eftir styrj-
öldina. Stúdentaráð beitti sér fyrir samvinnu hinna ýmsu félaga-
samtaka um sameiginlegt val fulltrúa á þing þetta, svo að þeir gætu
komið fram sem fulltrúar islenzkrar æsku sem heiidar, en ekki
fyrir hönd neinna ákveðinna æskulýðsfélaga. Varð samkomulag um
12