Árbók Háskóla Íslands - 31.12.2008, Qupperneq 19

Helstu viðburðir 2008
arangurs
Árið 2008 einkenndist af miklum breytingum og grósku í starfi Háskóla íslands. Af
þeim fjölmörgum viðburðum í starfi skólans sem gert verður stuttlega grein fyrir í
þessum kafla Árbókar Háskóla íslands 2008 stóð þrennt upp úr: í fyrsta lagi fram-
kvæmd heildarendurskoðunar á skipulagi og stjómkerfi skólans. í öðru tagi samein-
ing Háskóla íslands og Kennaraháskóla Islands og í þriðja lagi mikill árangur við
framkvæmd Stefnu Háskóla íslands 2006-2011.
Nýtt skipulag og stjómkerfi Háskóla íslands
Fyrsti stóri viðburðurinn á árinu var formleg gildistaka og innleiðing nýs skipu-
lags og stjórnkerfis fyrir Háskóla íslands 1. jútí. Meginmarkmiðið með hinu nýja
stjórnskipulagi erað styrkja stjórnun og bæta vinnuumhverfi. aðstöðu og
þjónustu við kennara og nemendur og gera Háskólanum þannig betur kleift að ná
markmiðum sínum um framúrskarandi kennslu, rannsóknir. stjórnun og stoð-
þjónustu. Unnið hafði verið að undirbúningi hins nýja stjórnskipulags innan
Háskólans um nokkurt skeið og með gildistöku nýrra laga nr. 85/2008 um
opinbera háskóla fékkst nauðsynleg lagastoð fyrir hinu nýja skipulagi. Sam-
kvæmt hinu nýja stjórnskipulagi skipast Háskólinn í fimm fræðasvið sem hvert
um sig skiptist í 3-6 deildir. Fræðasviðin eru Félagsvísindasvið. Heilbrigðis-
vísindasvið. Hugvísindasvið, Menntavísindasvið og Verkfræði- og náttúru-
vísindasvið. Fræðasviðunum er stjórnað af forsetum fræðasviða og var gengið frá
ráðningu þeirra um haustið. Heildarfjöldi deildanna er 25 og er þeim stýrt af
deildarforsetum sem eru kjörnir. (Sjá nánari lýsingu í kaftanum Stjórn og
skipulag Háskóla ístands hérað framan.)
Sameining Háskóla íslands og Kennaraháskóla íslands
Annar stóri viðburðurinn á árinu var sameining Háskóla íslands og Kennara-
háskóla íslands sem tók formlega gildi 1. júlí, sama dag og hið nýja stjórn-
skipulag. Myndar Kennaraháskóli íslands stofninn í einu hinna nýju fræðasviða.
Menntavísindasviði. Sameining þessara tveggja menntastofnana ersú stærsta
sinnar tegundar sem gerð hefur verið á íslandi og er hinn sameinaði Háskóli
íslands langfjölmennasti háskóli landsins með um 13.500 nemendur. Markmið
sameiningarinnar er að bæta kennaramenntun í landinu og efla rannsóknir og
nýsköpun á sviði uppeldis- og menntavísinda. Sameiningin mun væntanlega efla
öll skólastig í landinu og um leið skapa nýja möguleika á þverfræðilegri nálgun í
kennslu og rannsóknum. Gert er ráð fyrir að Menntavísindasvið verði um sinn
með aðsetur við Stakkahlíð í Reykjavík, auk þeirrar starfsemi sem fram fer á
Laugarvatni, en á næstu árum flytjist starfsemin á háskólatóðina á Melunum.
Framkvæmd Stefnu Háskóla íslands 2006-2011
Þriðji stóri viðburðurinn á árinu var sá mikli árangur sem náðist við framkvæmd
Stefnu Háskóla íslands 2006-2011. Kjarni stefnu Háskólans erað bjóða upp á
framúrskarandi kennslu. rannsóknir. stjórnun og stoðþjónustu og tangtíma-
markmið skólans er að komast í hóp bestu háskóla á atþjóðavísu. í ársbyrjun
2007 undirrituðu háskólarektor og menntamálaráðherra samning um fjármögnun
stefnunnar sem gerir ráð fyrirstighækkandi framlögum út samningstímann.
Samningurinn er árangurstengdur og með skýrum tölu- og tímasettum
markmiðum. Hér að framan hefur þegar verið gerð grein fyrir innleiðingu nýs
skipulags og stjórnkerfis Háskólans sem byggist á stefnu hans en hér á eftir
verður tæpt á helstu árangursþáttum hinnar akademísku starfsemi.
Ný lög
Ný lög um opinbera háskóla nr. 85/2008 tóku gildi 1. júlí. Með því fékkst nauðsyn-
leg lagastoð fyrir nýju skipulagi og stjórnkerfi Háskóla Islands. Lögin gilda um tvo
háskóla, Háskóla Islands og Háskólann á Akureyri. og við gildistöku þeirra féllu
úr gildi lög nr. 41/1999 um Háskóla íslands og lög nr. 40/1999 um Háskólann á
Akureyri. Hinn 1. júlí öðluðust jafnframt gildi tög nr. 37/2007 um sameiningu
17