Búnaðarrit - 01.01.1974, Blaðsíða 228
222
BÚNAÐARRIT
eignarliald og ábúð jarða, þ. e. frumvarp til jarðalaga
og frumvarp til ábúðarlaga. Þessi frumvörp voru samin
af stjórnskipaðri nefnd og voru lögð fyrir Búnaðarþing
1973, sem gerði nokkrar breytingartillögur við bæði
frumvörpin og samþykkti þau svo. Jarðalagafrumvarpið
með 22 atkvæðum gegn 1, en ábúðarlagafrumvarpið með
21 samliljóða atkvæði.
Þessi frumvörp eru bæði hin mikilvægustu og vonandi
ber Alþingi, sem nú situr, gæfu til að samþykkja þessi
frumvörp í ölliim aðalatriðum á þann veg, sem Búnaðar-
þing lagði til. Jarðeignamálið er ávallt eitt veigamesta
mál landbúnaðarins. Á tímum örra breytinga og mikillar
peningaveltu ríður á því að tryggja, að þeir, sem land-
búnað stunda, fái að lialda eignarrétti á ábýlum sínum
með skaplegu móti, en nægjanlegur sveigjanleiki sé þó
fyrir hendi til að sameina jarðir, sé þess þörf, til að
skapa lífvænleg býli úr of litlum býlum, sem fyrir kunna
að vera. Þá er einnig nauðsyn að tryggja rétt sveitar-
félaga til að eignast jarðir, ef þannig stendur á, áð ella
gengju þær til aðilja, sem ólíklegir eru til að stunda
þar eðlilegan búskap.
Á hinn bóginn þarf einnig að tryggja þéttbýlissvæðum
hæfileg lönd til afnota bæði undir byggingarfram-
kvæmdir og tij útilífsiðkana fyrir þéttbýlisfólk.
Framtíðarhorfur í landbúnaðinum eru sem betur fer
góðar, en þó er rétt að vera ekki of bjartsýnn, af því að
alla jafna skiptast á skin og skúrir í landbúnaði ekki
sízt þar, sem veðrátta er jafn óútreiknanleg eins og liér
á landi. Enginn veit nú, livernig síðari hluti vetrar verð-
ur, en hætt er við því, að afleiðingar frostanna tvo
síðustu mánuði ársins geti dregið dilk á eftir sér næsta
vor og sumar. Einnig kann ísinn að leggjast að landinu,
og fari svo, veit enginn hvaða afleiðingar það kann að
hafa. Verði árferði á binu nýbyrjaða ári gott, ætti fram-
leiðslumagn að verða mikið, en ekki er gott áð spá fyrir
um verðlag á þeim bluta búvöru, sem selja þarf úr landi.