Búnaðarrit - 01.01.1984, Page 24

xxu
BÚN AÐARRIT
grunnur að mörgum framfaramálum. Á öllum þessum
fundum naut Halldór sín vel, og sennilega hafa hans
fjölþættu gáfur hvergi notið sín betur, enda verður hans
vafalaust minnst sem ógleymanlegs leiðtoga, ekki síst frá
þessum vettvangi, um mörg ókomin ár.
Á margan veg var lagður nýr grunnur að búfjárræktar-
starfseminni þessi ár. Þannig var djúpfrystistöð nautasæðis
á Hvanneyri reist og tók hún til starfa 1969 og hefur hún
þjónað öllu landinu síðan í ársbyrjun 1980. Kynbótanefnd í
nautgriparækt var skipuð 1972 og er hennar verkefni mjög
yfirgripsmikið í kynbótastarfi nautgripa. Þá var reist
nautauppeldisstöð í Laugardælum 1977 og tók hún til starfa
í nóvember 1978, og var stigið mjög heilladrjúgt spor í
nautgriparækt með starfrækslu hennar. Halldór sýndi
mikinn dugnað og hyggindi þegar hann barðist fyrir þessari
byggingu, því að um leið setti hann niður þær deilur, sem
höfðu staðið um þetta mál í heilan áratug, og síðan hefur
samstaðan verið mjög góð í þessum málum.
í hrossaræktinni var einnig stigið afdrifaríkt spor, þegar
Stóðhestastöð Búnaðarfélags íslands var reist á Litla
Hrauni árið 1974. Þetta mál hafði tafist vegna þess að ekki
fékkst fjármagn til þess að reisa slíka stöð, en þá kom
Halldór auga á ónotaða aðstöðu á ríkisjörðinni Litla
Hrauni og þar þurfti tiltölulega litlu til að kosta, til þess að
koma málinu af stað.
í sambandi við alla starfsemi við kynbætur sauðfjár var
Halldór að sjálfsögðu öruggur bakhjarl. Þannig studdi hann
með ráðum og dáð stofnun sauðfjársæðingastöðvanna
þriggja, á Akureyri, í Laugardælum og í Borgarnesi. Þær
tóku til starfa á árunum 1966—1968 og hefur samstarf
þeirra eflst með hverju ári og ekki hvað síst eftir að
stöðvarnar náðu samningi við fjárræktarbúið á Hesti um
hagnýtingu úrvalshrúta þaðan, sem gerð hafði verið af-
kvæmarannsókn á. Að þessu var Halldór aðalhvatamaður
og hefur nú þegar orðið augljós jákvæður árangur af
hagnýtingu Hesthrútanna.